Boruak muanawm hnuaiah Krismas hman liam a ni ta

Kristian te Hunpui, Krismas chu boruak muanawm tak hnuaiah Serchhip-ah hman liam a ni ta a, thil duhawmlo thleng a awm hriat a ni lo.
Kristian te hunpui, Krismas hi tunkar Thawh-lehni khan khawvel hmundangte rualin Serchhip-ah pawh boruak muanawm tak hnuaiah hman liam a ni a. Krismas vuakvet-ah hian thil duhawmlo thleng leh mipui nunphung pangngai ti khaihlak thei thil a thlen hriat a ni lo a, mipui ten hlim takin he Hunpui hi an hmang a ni.
Krismas-ah hian Serchhip-ah Kohhran hrang hrangte chuan nileng-a inkhawmna neiin thupui thlanbik hrang hrang hmangin Pathian thuchah ngaihthlak a ni a,  Krismas-ah hian Koh-hran hrang hrang ten Thingpui ruai buatsaihin a tuk, Nilaini khan Kohhran tam ber te chuan Tisa ruai buatsaihin hun an hmang leh bawk a ni. Kumin hian Kohhran hrang hrang ah lengkhawm boruak pawh a \ha thawkhat niin a lang a, nizan thleng khn Kohhran \henkhat ah chuan lengkhawm zai hriat tur a la awm a, niminpiah khan Ser-chhip-a Kohhran pathum te chuan Krismas lawmna ruai hi an nawn leh bawk a ni.
Serchip Police hotute chuan Krismas kan hman zawh tak vuakvet-ah khan Serchhip-ah buaina liantham thleng a awm loh thu sawiin, Serchhip Police Station-ah pawh thubuai ziahluh pakhat chiah a awm thu an sawi a, he thubuai ziahluh hi MLPC Act hnuaia ziahluh a nih thu sawiin, dan bawhchhiatna dang thleng erawh a awm lemlo tih an sawi a. Kumdanga ‘khawm case’ a mi an man ang pawh kumin hi chuan a awm lemlo tih an sawi bawk.
Heihlai hian kumin Krismas ah hian kum-dang anglo takin khawlai leh kawtthler chei hmuh tur a awm manglo thung a, mimal engemaw zat ten In leh a vel cheiin Kohhran ten Biak In an chei a, amaherawh chu kawtthler leh kawngpui dung chei erawh hmun 2/3 bakah hmuh tur a awm lo thung a ni.

Popular posts from this blog

PAN CARD an tih teh fo hi - Laldinpuia