ZPM in Assembly inthlanpui-a Candidate puangin Serchhip bial-ah Lalduhoma a ding ang

Zoram Peoples Movement (ZPM) chuan nimin khan Assembly inthlanpuia an Candidate tur puangin Assembly bial 40 zinga bial 35-a Candidate tur an puang a. A hma lama lo sawilawk tawh angin Serchhip bial-ah ZPM Chief Ministerial Candidate, Lalduhoma chu a ding dawn a ni.

Zoram Peoples’ Movement (ZPM) hian nimin chawhnu dar 1:00 khan Aijal Club-ah Assembly inthlanpuia an Candidate turte hi puangin he hun hi Val Upa Council (VUC) Chairman, Lalfakzuala chuan a kaihruai a, Val Upa Council (VUC) Member, Bualhranga chuan an Candidate te tana Rinawmna thutiam an buatsaih chhan sawiin, hemi hnu hian Val Upa Council (VUC) Chairman, Lalfakzuala chuan Assembly bial 35-a an Candidate turte hi a puang a, ZPM Chairman, Upa Lalliansawta chuan an Candidate te inhmelhriattirna neiin hemi hnu hian Candidate te chuan rinawmna thu an tiam rual bakah an intiamna ah hian hming an ziak bawk.

ZPM in Candidate an puan ah hian ZPM Chief Ministerial Candidate, Lalduhoma chu Aizawl West-I leh Serchhip bial-ah a ding dawn a, Aizawl West-I bial-ah hian MNF a\angin K. Sang\huama dingin Congress a\angin PC. Laltlansanga chu dingin an inkhing dawn a. Serchhip bial-ah hian MPCC President leh Chief Minister nilai, Lal Thanhawla bakah MNF Candidate C. Lalramzauva, PRISM President, Vanlalruata leh Zoram Thar hruaitu, Rev. Dr. Zaichhawna te chu ding tura tihchian ni tawhin an inkhing dawn bawk a ni. Ani bakah hian MPC President, Lalhmangaiha Sailo chu Aizawl West-II ah a ding anga, ZPM hruaitu dang K. Sapdanga chu Aizawl East-I bial-ah dingin MNF President, Zoramthanga leh Congress Candidate K. Vanlalrawna te nen an inkhing anga, Lunglei South bial-ah Rev. Dr. K. Thanzauva chu a ding dawn bawk a ni. Serchhip District chhunga Assembly bial dang zingah Tuikum bial-ah PC. Vanlalruata dingin Hrangturzo bial-ah bialtu MLA hlui, Lalthansanga (Chate-a) a ding dawn bawk a ni.

Nimin a ZPM in Candidate an puan zingah hian kum upa chu kum 72-a upa niin a naupang ber mi pahnih (2) te chu kum 30-a upa ve ve an ni a. Kum 60 chunglam mi 10 awmin an Candidate zawng zawngte kum chawlhrual chu kum 53 a ni a, thiamna lamah MA leh a tlukpui chin mi 11 awmin Doctorate Degree nei mi 2, Theological Graduate mi 2 leh BA leh a tlukpui mi 2 an awm bawk.

ZPM Candidate tur list :

Hachhek - H. Lallianzuala

Dampa - F. Lalrintluangi

Mamit - C. Zothansanga

Tuirial - Andrew H. Thangliana

Kolasib - Lalfamkima

Serlui - Lalmuanpuia Punte

Tuivawl - K. Romawia

Chalfilh - F. Rualhleia

|awi - R. Lal\hatluanga

Aizawl North-I - Vanlalhlana

Aizawl North-II - Dr. Vanlalthlana

Aizawl North-III - C. Lalhmingthanga

Aizawl East-I - K. Sapdanga

Aizawl East-II - B. Lalchhanzova

Aizawl West-I - Lalduhoma

Aizawl West-II - Lalhmangaiha Sailo

Aizawl West-III - VL. Zaithanzama

Aizawl South-I - C. Lalsawivunga

Aizawl South-II - Lalchhuanthanga

Aizawl South-III - RD. Lalrammawia

Lengteng - Er. Ginzalal (Laltea)

Tuichang - W. Chhuanawma

Champhai North - C. Lalchhawnthanga

Champhai South - C. Lalremliana

East Tuipui - C. Lal\anpuia

Serchhip - Lalduhoma

Tuikum - PC. Vanlalruata

Hrangturzo - Lalthansanga (Chatea)

South Tuipui - Phairothanga

Lunglei North - V. Malsawmtluanga

Lunglei East - Lalrinpuii

Lunglei West - Lalnuntluanga Sailo

Lunglei South - Rev. Dr. K. Thanzauva

Thorang - Lalrinzuala (Pamama)

West Tuipui - B. Vanlalauva

** ZPM hian Assembly bial 40 awm zingah bial 35-a Candidate tur an puang a, Lawng-tlai District-a bial 3- Tuichawng, Lawngtlai West leh Lawngtlai East bakah Siaha District-ah Siaha leh Palak te chu puan ala nilo.