Latest News

Excise ten zu leh ruihtheih thil man hnem tawh

Serchhip-a Excise & Narcotics Department chuan Assembly inthlanpui neih tur puan a nih hnuah Zu leh ruihtheih thil dapchhuah hna thawkin thubuai \hahnem tak ziahluh a ni tawh.
Serchhip-a Excise & Narcotics Department hian Assembly inthlanpui neih tur boruak muanawm tak hnuaia neih a nih theih nan theihtawp chhuah mekin inthlanna neih hun tur puan, Oct. 6, 2018 a\ang khan Zu bilhlai in 900 zet tichhe tawhin Rakzu litre 280 zet an man tawh bawk a, Sapzu leh Beer pawh engemaw zat man tawhin Heroin gram 13 an man tawh a, Bel 45 man tawhin heng kaihhnawih ah hian mi 24 manin thubuai 29 an ziaklut tawh bawk.
Serchhip-a Excise & Narcotics Department hnuaia Narcotics Squad te chuan nimin-piah tlai dar 4:00 vel khan Lalkrosshlua (23), Peniel Veng Hnahthial hnen a\angin ruihhlo (Heroin No. 4) Gram 7 an man a, he ruihhlo an man hi tualchhung rate ah chuan Rs. 40,000/- chuang hu nia chhut a ni a, ruihhlo neitu hi ND&PS Act 85 hnuaiah thubuai ziahluh sak niin Court-ah thawn nghal a ni. Thudawn dangin hetiang zat ruihhlo man avanga thiamloh chantir te chu cheng nuai khat thleng chawitir theih an ni. Hetihlai hian Assembly inthlanpui neih tur thlirin sawrkar chuan Nov. 26, 27 leh 28 bakah December 10, 11 leh 12 te chu Dry Day atan a puang bawk.

Comments

Popular News (Last 30 Days)