RD Minister in an Department hotute a kawm

Rural Development Minister, Lalruatkima chuan nimin khan a pisa-ah Rural Development Department Directorate a thawktute kawmin an Department hmalakna hrang hrang a sawipui.

He inkawmhona hunah hian Rural Development Minister, Lalruatkima chuan Rural Development Department hmalakna leh harsatna an neih an thlen te uluk taka ngaihthlak sakin a \ul anga hma a lak zel tur thu a sawi a. Thawktute an hna-thawhna ah inpekna nasa zawk leh Pathian rawngbawlna a ngaia ram tana theihtawp chhuah turin a chah a. Rural Development Department a nih angin Miniser chuan thingtlang lam leh mi harsa zawkte khaidingtu tur department an nih angin Central Sawrkar lam a\anga Scheme lo kal te pawh dik tak a hmanga, a chhawr tur ngei te hnen thleng phaka thawk tur leh Department din chhan ang takin hmasawnna thlen tur khawpa \ang tlang turin a fuih a ni.

He hunah hian RD hnuaia Scheme hrang hrang kalpuite sawiho a ni a, Department lam a\angin Rita Lalnunmawii Pachuau, Jt. Director chuan Department kal dan leh thil \ul ang ang sawi sawifiahna hun a hmang a. Central a\anga scheme lo kal te hmanga hna an thawh dan leh a scheme kalphung sawifiahna te neih a ni bawk.