Chhiahtlang-ah MNF in mithar an lawmlut

Nimin khan Chhiahtlang Group MNF huaihawtin mithar lawmluhna neih a ni a, he hun hmanpuitu bialtu MLA, Er. Lalrinawma chuan, “MNF kan sawrkar chuan Zoram mipui natna kan tidam ang,” a ti.

Chhiahtlang Group MNF buatsaih Chhiahtlang Community Hall-a mithar lawmluhna hunah hian MNF |halai President leh he biala MNF Candidate tur, Er. Lalrinawma chuan Tuikum bial mipuite duhsakna leh \awng\aipuina avangin tluang takin MLA term khat a lo hmang ve ta tih sawiin, lawmthu a sawi a. Tuikum bial hmasawn nana hna an thawhhona ah khawtlang hruaitute nen lungrual takin hna an thawkho tih sawiin, chutihlai chuan bial mipuite rilru a lo tihnat a awm chuan an ngaihdamna a dil bawk. Er. Lalrinawma chuan kan Zoram Politics thlirin MNF Party chu nitin maiin Pathian hruaina a zarah sawrkar turin an insingsa mup mup tih sawiin, an sawrkar ngei theih nan taima taka ke pen turin a sawm a. “Pathian leh mipui zara MNF-in sawrkarna kan chang a nih chuan Zu zawrh kan titawp ang a, Health Care Scheme \ha zawk kan kalpui ang a, Zoram mipui natna kan tidam ang,” a ti bawk.