Damdawi In-ah BSF hnatlang

Serchhip Dawngzawl-a awm 159th Battalion BSF te chuan Faina kawnga hmalakna chikhat atan nimin khan Serchhip damdawi In leh a vel thenfai hna an thawk.
Sawrkar laipuiin December ni 1 a\anga 15 chhunga India ram Faina beihpui a thlakna kal mek, Swachh Bharat Mission programme hnuaiah Serchip Dawng-zawl-a awm 159th Bn. BSF te chuan Serchhip District Hospital leh a chhehvel bakah Serchhip khawpui chhunga vantlang hmun pawimawh te thenfai hna an thawk a, hei bakah hian faina chungchanga mipuite zirtirna thuziak te pawh he hunah hian an tar nghal bawk a ni. Nimin a Serchhip damdawi In leh a chhehvel thenfai hna an thawh ah hian a kawt kawngpui leh a compound te an phiahfai bakah inthiarna hmun te an tifai a, mipui hmuh ti nuam turin a kawt velah rawng te an hnawih thar bawk a ni.
Mizoram-ah hian BSF Battallion li (4) awmin, Mizoram hmun hrang hranga Border Security Force (BSF) te hian faina hnatlang hi ankalpui a, Pathianni kalta pawh khan Aizawl leh Lunglei inkar (NH-54-na) kawngpui kam a vantlang inthiarna (Zun In/Ek In) te an lo tifai tawh bawk. Serchhip-a BSF sipai te pawh hian faina kawnga nasa taka hma an lak bakah hian Serchhip leh Kei\um inkar NH. 54 kawngpui chhe lai te pawh lung te inla chawpin a siam\hat hna te pawh an lo thawk tawh bawk a ni.

Comments

Popular posts from this blog

PAN CARD an tih teh fo hi - Laldinpuia