Latest News

ZPM Research Wing-in ZPM chu Mizoram damna Policy leh rinngam awmchhun ah ngai

Mizoram University-a thil zirchiangtu hrang hrang telna ZPM Research Wing chuan ZPM chu Mizoram damna Policy awmchhun leh rinngam awmchhunah a ngai.
He thu hi Inrinni-a Aizawl Press Club-a thuthar lakhawmtute an kawmnaah Research Wing hotute chuan sawiin an pawl hruaitu Prof. H. Lalramnghinglova chuan, ZPM Committee sangin Mizoram-ah sawrkar \ha a awm theih nan leh zirchianna behchhana ram kaihhruai a nih theih dan zirchiang tura a rawt angin Research Wing hi din a ni tih a sawi a, an member tam zawk chu University-a thawk lai leh pawn lam mi tlem an ni tih sawiin, anni hi Political Party behchhan nei lo leh awn lam nei lo an a, inthlanna chuh tum Party zingah ZPM chauh chu hetianga zirchianna nei tura sawmtu awmchhun an nih avangin he zirchianna hi kalpui an ni tih a sawi.
An pawl zinga mi, Dr. KC. Malsawmzauva chuan, tuna mipui rilrua zawhna awm lian ber zingah tu party nge vote tur tih chu an zirchianna a\anga a lan danin, tun \umah hi chuan ZPM hi Zoram damna policy nei awmchhun leh rinngam awmchhun nia an hriat thu an sawi a, ZPM chu kum 1 awrha upa, party leh pawl hrang hrang inzawmkhawm, party ruihchilh velo te awmna leh neutral-te beiseina awmchhun nia an hriat thu sawiin, tuna Mizoram dinhmun leh sawrkar awmte thil tihdan an thlirletin heng mite lakah hian mipuite an beidawng tawh niin a sawi. Dr. KC. Malsawmzauva chuan, tuna ZPM kaldan leh an candidate-te dinhmun an thlirin an ti tak tak hle nia an hriat thu a sawi a, tlawmngai pawlte duhdan zawma Chakma candidate nei lo ngam awmchhun an ni ringawt pawh hi ropui an ti a, huaisen an ti hle tih sawiin, an zirchianna a\angin ZPM chauh chu Mizoram mipui zaa 70 vel awmna, kuthnathawktute tana policy awmze nei taka kalpui awmchhun leh thawhrimna zuar awmchhun nia an hriat thu a sawi a, thatchhiatna bawih ata Zoram mipuite khaichhuak tura an hmalakna chu ropui an ti a, heta tel ve chu mipui tan \ha an tih thu a sawi.
Research Wing hotute chuan, ‘A fim hmasa lalngovin a thal zo zel’ tih ang maia thuneituten chanvo \ha leh hlawkna an tel vek \hin nia lang veng tura ZPM-in Val Upa Council a din chu \ha an ti hle tih an sawi a, hei hi sawrkar langtlang a awm theih nana hmalakna hmahruai nia an ngaih thu leh an ngaih ti \hatu niin an sawi a, vai buh ring tawh lova Mizo buh ngeia intodelhna tura New Agriculture Policy an duan te, Administrative Policy te, kawngpui \ha leh tlo neih theihna tur te, IT lama hmasawnna tur leh Land Reform Policy ruangam an duan te chuan ngaih a ti \ha hle niin an sawi a, ram leh hnam humhim tura hmalak an tum dan chu \ha an tih avangin ZPM chu sawrkar-na siam tura rintlak ber nia an hriat thu Research Wing hotute chuan an sawi bawk.

Comments

Popular News (Last 30 Days)