Health Minister in Aizawl Civil Hospital, Cancer Hospital leh RIPANS te a tlawh

Health Minister, Dr. R. Lalthangliana chuan niminpiah khan Aizawl Civil Hospital Aizawl tlawhin Ward hrang hrangte tlawhin damlo hman turin HI-Tech Medical & Surgical Unit a hawng nghal bawk a. Zemabawk-a Cancer Hospital leh RIPANS te pawh a tlawh nghal bawk.

Aizawl Civil Hospital a tlawhna ah hian Health Minister, Dr. R. Lalthangliana chuan Civil Hospital Aizawl-ah hian hmu theihin hmun hma thu ah te, thianghlimna kawngah te, thawktute hawihhawmna ah te nasa takin hmasawnna a awm thu a sawi a, State Referral Hospital Falkawn tih changtlun nan pawh hma an la chho zel dawn tih sawi bawkin, thawktu tur ngaihtuah hmasa lova hmalakna awm \hin chu a pawi hle a, heng khawl tharte hi neitu anga enkawltu tur lak a pawimawh hmasa hle a ni, a ti bawk. Health Minister chuan Civil Hospital Aizawl atan MRI khawl neih ngei a \ul thu sawiin, Hospital a\anga tui chhe paihchhuah dan chu ennawn a nih thuai tur thu a sawi bawk a. H&FW department thawktute chu Mizoram mipuite hriselna atan a ngaihtuahna leh rilru seng turin a sawm a, Health Minister Office chu an tan a in hawn reng thu a sawi bawk.

Civil Hospital Aizawl hi kum 120 a upa niin, tunah hian Khum 275 a awm mek a, Clinical Department 15, Superspeciality Department 1, Para-Clinical Department 4 leh support Service hrang hrang te nen hospital hi a kal mek a ni. Post Graduate (DBN) zirna subject Panga (5) a awm a, MCI leh Indian Nursing Council te pawmpui Training Institute a ni a, ICMR, Department of Biotechnology, MZU, RIPANS ten en thawk hovin Medical research engemaw zah kalpui mek a ni bawk.

Health Minister hian niminpiah tlai vek khan Zemabawk-a Cancer Hospital pawh tlawhin an dinhmun a enfiah a, Cancer Hospital-ah hian khum 50 awmin lang-a enkawlna 25 leh riahna 25 a ni a, thawktu Doctor 10 leh Nurse 16 awmin Minister hian Cancer vei te Radioactive Source hmanga hemna hmun tlawhin, Day Care Chemotherapy Room te, Brachytherapy Treatment Room (a bik inhemna/localised) te pawh a tlawh bawk a ni. Heng hmun bakah hian inhemna khawl pui bunna tur (Linear Accelerator Building) sak mek pawh a tlawh bakah damdawi chi hrang hrang leh Medical Instruments te dahna hmunpui, Central Medical Store pawh tlawh telin, Store hi thawktu 139 in an enkawl mek a ni.

Hemi hnu hian Health Minister hian Regional Institute of Paramedical and Nursing Sciences (RIPANS) pawh tlawhin RIPANS-ah hian kum 1996-2018 inkarah zirlai 2642 zir chhuak awmin, tun dinhmunah hian zirlai 680 an awm a. Department of Pharmacy chuan kum 2014 a\ang khan M.Pharm zirna hawng \anin, kumtin zirlai 10 tan admission pek \hin a ni a. State Drugs Testing Laboratory awmin, Mid-Day Meal pawh enfiah \hin a ni bawk.