Party hrang hrang ten tlin ngei an inrin thu an sawi

Assembly inthlanpui neih turah Serchhip-a party hrang hrangte chuan hnehna an chan ngei an inrin thu an sawi.
Inrinni khan Serchhip-a Political party hrang hrang leh inthlan chuh tum te Office chu LENKAWL in tlawhin an hotute a kawmkual a. Rorellai Congress Party chuan tun \um inthlanna neih turah hian hnehna an chan ngei an inrin thu leh tuna an inchhut dan chuan vote 2000 vela hnehna chang tura an inbeisei thu an sawi a. Eptu pawl lian ber MNF pawhin inthlanpui lo awm turah hian hnehna an chan ngei an inbeisei thu sawiin, Unit hrang hrang te report an lakkhawm a\angin vote 1200-1300 vela hnehna chang phak tura an inngaih thu an sawi bawk.
Hetihlai hian ZPM chuan inthlanpui lo awm turah hian hnehna an chan ngei an inrin thu sawiin, tuna an inchhut danin Serchhip khua bikah vote 1000 vel leh Thenzawl khua ah vote 1000 vel bawka hnehna chang tura an inngaih thu an sawi bawk. BJP te pawhin hma an sawn zel thu sawiin, Inrinni zing thleng khan Unit an la din belh zel tih an sawi a, vote sang chuanga hnehna chang thei tura an inbeisei thu an sawi ve bawk. NPP lam pawhin  he inthlanna ah hian tlin ngei an inbeisei thu sawiin, an dinhmun pawh a kang chho chak hle tih an sawi bawk. Hetihlai hian Assembly inthlanpui neih tura Serchhip bial-a Candidate nei PRISM Party leh Independent-a chuh tur Zoramthar te chuan Serchhip-ah hian Party Office emaw, Campaign Office emaw an neih hriat ala ni lo a, hma an lak dan pawh hriat hleihtheih a ni rihlo bawk.

Popular posts from this blog

PAN CARD an tih teh fo hi - Laldinpuia