ZPM in Vegetable Showroom siam dawn

ZPM Sr. Vice Chairman, F. Rodingliana chuan ZPM a sawrkar chuan Vegetable showroom an siam dawn tih sawiin, Sawhthing dahkhawmna tur an ngaihtuah fel tawh thu a sawi bawk.

Inrinni-a Aizawl Press Club-a thuthar thehdarhtute a kawmna ah ZPM Sr. Vice Chairman, F. Rodingliana chuan kuthnathawktute leh thlai zuartute tana ruahmanna an siam te a sawi a, heng thlai thar zawrhna atan hian Aizawl leh khawpui lian hmun lunlai-ah In nuam tak sak a nih dawn thu leh kan ei tur kawngsir-a chirh-diak leh vaivut kara kuthnathawktuten in thlahrung taka an zawrh \hin chu anni chuan VIP tak a an awmna tur Show room siam a nih dawn thu a sawi a. Tuna cheng tlemte man nutling/patling in zan mu pawh tuah thei lova an zawrh \hin chu System fel tak hmanga tihtawp an tum dawn tih a sawi.

Hei bakah hian ZPM Sr. Vice Chairman chuan ZPM chu a tir a\ang hmathlir fel tak neia inzawmkhawm an nih thu pawh sawiin, tunah pawh Sawhthing kg-ah Rs. 50/- a an lei tur thu an sawi chu Politician hlun pui puite leh mi thil intihre deuh \henkhat ten “An lei thei lovang, pawisa in a daih dawn em ni?” te an tih thu a sawi a. “Kan Budget cheng vbc. 9670 mai bakah GST return ringawt pawh hian kan Sawhthing leina tur hi chu a daih lutuk,” a ti a. NLUP-ah pawh let leh tur awm miah lovin cheng vbc. 4800 chuang daih tihral a nih thu sawiin, anni chu let leh tur ala awm dawn tih a sawi a. “Kan lei theih leh theih loh chu Zoram mipuite hian min chhin turin kan sawm che u,” tiin, “Tunah hian Sawhthing kan leikhawm sa kan dahna tur lamin kan ruahman fel vek tawh a, tuna kan la buaina awmchhun chu a man in hlan dan turah pawisa fai in nge Cheque in tih thutlukna kan la siam fel lo mai chauh zawk a ni,” a ti bawk.

Hei bakah hian ZPM Sr. Vice President chuan Kohhran leh Tlawmngai Pawl duh danin 'Candidate neih loh tur' an tihna hmunah neih an tum loh thu pawh sawiin, Kohhran leh Tlawmngai Pawl te'n ngenna hi siam lo mahse Chakma Bial-ah hian a hmaa an lo puan lawk tawh angin din an tum lo tih a sawi a. Kohhran leh Tlawmngai Pawl duh dan anga an kal avangin an duhsakna leh khawngaihna zarah an sawrkar ngei pawh an in beisei tih a sawi.

Zoram Peoples Movement chuan Aizawl khawpui Traffic jam 55% a tihziaawm dan tur an ruahman tih pawh sawiin, “Aizawl khawpui junction 3- Zodin, Bawngkawn leh Chanmari biak In bulah te awlsam zawka lirthei chetvelna tur ruahman kan tum a. Hei bakah Aizawl khawpui hmun 9-ah Open Air Escalator siam kan tum a ni,” a ti a. Sawrkar in Motor Registration-ah dan mumal a neihloh avang mi hausa ten lirthei an lei belh zel avangin Motor intlanchhawk ah mi hausa ten harsatna tawk lovin mirethei ten an tuar tih a sawi bawk.