Inthlanna atan Police ten venhimna hna thawk mek

 Mizoram-ah thlamuang tak leh thianghlim taka inthlanpui neih a nih theihna tur leh Tripura Relief Camp-a awm mek Bru-ten Mizorama thlamuang taka Vote an thlak theihna turin Mizo-ram Police te chuan nasa takin \an an la mek a, a bikin Bru-te awm tamna District - Mamit, Kolasib leh Lunglei-ah te venhimna leh rua-hmanna uluk taka kalpui a ni tih Mizoram Police chuan thuchhuah siamin an tarlang.
Mizoram Police thuchhuah in a tarlan danin Bru-te chenna leh hruaikirna hmun leh khua te hi Police Officer ten ngun taka vilin an tlawh reng a, an harsatna te leh mamawhte enin an ngaihthlaksak a. Ralmuang tak leh lungmuang taka vote an thlak theih nan boruak \ha siam zel a ni, an ti a. Inthlanna a venhim hna thawk tur leh mipuite thlamuan turin Central Armed Police Force (CAPF) leh State Armed Police (SAP) te pawh niminpiah a\ang khan an lo thleng \an tawh a, anni hian venhim ngai lai hmun nia langah te Patrolling neiin duty uluk takin an ti zel dawn a ni, an ti.
Police thuchhuah chuan Mamit, Kolasib leh Lunglei District-a tunhnaia Tripura Camp a\anga rawn let te chu Police-te’n venhimna \ha tak pein ngun takin an vil reng tih pawh tarlangin, Mizoram Police chuan mipui zawng zawng thlawpna leh \anpuina an ngen tak meuh tih san sawi a, an hnathawhna leh venhimna hna te, thil \ha lo leh duhawm lo dap chhuaka mipuite venghim turin kawng hrang hrangin hma an la zel dawn tih an sawi a. Dan anga hma an lakna kawngah te fimkhur tak leh mipuite harsatna siam lo thei ang bera hna thawk turin an infuih reng tih an sawi bawkin kumin Inthlanpuiah hian Vote nei zawng zawng ten lungmuang tak leh dik taka vote an thlak \heuh theih nana hma la zel turin mipui an ngenin an sawm tih an thuchhuah ah chuan an tarlang bawk.

Popular posts from this blog

PAN CARD an tih teh fo hi - Laldinpuia