BLO tan Training neih a ni

Assembly inthlanpui neih tura Serchhip District chhunga Booth Level Officer (BLO) te hna thawh dan tur chungchang inhrilhhriatna leh zirhona chu nimin khan Serchhip-ah neih a ni.
Nimin a Serchhip DC Conference Hall-a Ser-chhip District chhunga BLO te tana Assembly inthlanpui neih tura an hnathawh dan tur zirhona hi Serchhip District Election Officer, Sangchhin Chinzah chuan hmanpuiin Booth Level Officer te thawhrimna zarah voters thar engemaw zat kan nei leh thei hi a lawmawm hle a ni, a ti a. Inthlanna hlawhtling tak nei turin BLO te chu a pawimawh berte zing ami anih thu sawiin, an kova tla emaw anmahni bengvara thawh theih awmte pawh a \ul ang zelin \hahnem ngai taka thawk turin a ngen a. Inthlanna buaipui kawng tinrengah Mizo-ram kan vannei a, a bikin Serchhip District ah engmah harsatna kan la nei lo hi a lawmawm tak zet a ni, a ti bawk.
He hunah hian Serchhip District chhunga BLO kalkhawm te chu Election Officer, Lalvenhima chuan inthlanpui neih ni-a an tihtur leh an mawhphurhna hrang hrangte hrilhfiahin H. Lalhruaitluanga, SDC chuan Assembly inthlanpui neih tura Vote thlaktute hnena Voter Slip sem-chhuah tur chungchang a sawifiah a, Ngurthan-sanga, SDC chuan BLO ten vote thlak tura rawn kal te an lo buaipui dan tur a hrilhfiah bawk.
He hunah hian BLO te hnenah Voter Slip semchhuah nghal a ni a, Voter Slip hi Electoral Roll-a hming chuang zawng zawngte tana buatsaih niin he Voter Slip-ah hian Polling Station awmna Map bakah Vote nei te Number leh thil pawimawh hrang hrangte tarlan nghal a ni a, he Voter Slip keng hian Vote nei te chuan awlsam takin Vote an thlak thei dawn a, he Voter Slip hi Assembly inthlanpui neih a nih hmain BLO te hian an huamchhungah an sem dawn a ni. Ser-chhip District chhungah hian tun dinhmunah BLO hi 77 an awm mek a, nimin a training-ah hian BLO 72 an tel a ni.

Popular posts from this blog

PAN CARD an tih teh fo hi - Laldinpuia