Kum 17 tang turin rel sak

Special Court Judge, R. Vanlalena chuan Khumlalmuana S/o V. Lalchhunga, Mumbung khua chu kum 17 chhung Jail tang tur leh pawisa Rs. 7,000/- chawi bawk turin a chungthu a rel sak.
Khumlalmuana hi Mimbung khua, Cham-phai District-a awm niin May 25, 2015 khan an khuaa hmeichhe naupang kum 10 mi vel chu a sikul bang zui haw in an In-ah a pawngsual a, hemi hnu hian \umkhat a pawngsual leh bawk a. He thil thleng hi hriatchhuah a nih hnuah FIR theh-luh niin Ngopa Police te chuan an chhui zui nghal a, Khumlalmuana hi August 3, 2016 khan man niin Jail-ah dahluh a ni a. Amaherawh chu Khum-lalmuana hian kum tlinglo nia insawiin, Birth Certificate te pawh a neih avangin Bail-a chhuah leh a ni bawk.
Amaherawh chu thubuai chhuitu ten an chhui zuina ah leh Economic and Statistic Department a\anga Khumlalmuana pian ni leh thla dik tak hriat a nih hnuah Khumlalmuana hian a Birth Certificate chu a lo ti danglam ngei a ni tih hriatchhuah a ni zui a, pawikhawihtu hian \an la zuiin Disability Certificate te pawh a la a. Amah-erawh chu Disability Certificate hi Court in rilru (mental) lam pang khawih nia a hriat loh avangin a pawm sak thei ta lo a, thiamloh a chantir ta a ni. Court chuan Khumlalmuana hi hrehawm taka kum 17 chhung Jail tang tur leh pawisa Rs. 7000/- chawi turin a ti a, pawngsual tuartu hian zang-nadawmna sawrkar a\anga dan ang taka a hmuh theihna turin Order a siam tel nghal bawk.

Popular posts from this blog

PAN CARD an tih teh fo hi - Laldinpuia