EVM hmanna tur tifel a ni

Nimin khan District Informatics Centre, Serchhip-ah MLA General Election 2018 a vote thlakna tur hmanrua te thliarfelna, Randomization of EVM chu a thawh hnihna neih a ni.
Nimin a he hun hmanna ah hian Assembly inthlanpui neih tura vote thlakna tur hmanraw hrang hrang- Electronic Voting Machine, Ballot Unit leh VVPAT te chu an hmanna tur Polling Station siamfel an ni a. Hemi hma hian Randomization thawhkhatna ah heng hmanruate hi khawi Assembly Constituency a hman tur nge an nih tih lo siam fel tawh niin, tun \umah hian an hmanna tur Polling Station te chu duhthlan bik awm lovin Election Commission of India in ruahmanna a lo siam tawh angin khawl hmanga siam fel a ni leh ta a ni.
He Randomization hi Serchhip District Election Officer, Sangchhin Chinzah leh Assembly Constituency tina Returning Officer te leh Asst. Returning Officer bakah Divakar Chakravarty, Observer ten a hmunah an endik nghal a. Engkim tluang taka tih niin District Election Officer leh Returning Officer ten hian hming a ziah hnan nghal a ni.

Popular posts from this blog

PAN CARD an tih teh fo hi - Laldinpuia