ZPM in beihna hrang hrang a tawk mek - Lalduhoma

ZPM Chief Ministerial Candidate, Lalduhoma chuan, “ZPM chuan beihna hrang hrang a tawk mek a, mahse Pathian chuan min beitute meithal min tihzawp sak zel a ni,” a ti.

Nimin a Aizawl-a ZPM Office-a chhung Inkhawm ah Lalduhoma chuan ‘ZPM MLA te Independent vek an nih avangin BJP in an lei vek dawn’ tih thuthang chu sawifiahin, “Regional party thar reng reng recognized an nih loh avangin inthlana an chuh hmasak berin Independent-a an chuh a ngai \hin a, MNF leh PC te pawh Independent vekin an lo ding tawh a ni” a ti a. “Mizoram-ah BJP te hian MLA 15 vel nei thei se chuan sawrkarna siam turin MLA tlem chu lei belh an tum mai thei a, mahse MLA 2/3 vel bak neihna chance nei lo tan sawrkarna siam tura an inlei tlin hi a rinawm lo a ni. Manipur leh Goa-ah chuan MLA an ngah sa avangin an tan inlei tlin mai a theih a, kan candidate, Pathian leh mipui hmaa rinawmna thutiam la te hi lei theih an ni lo ang; kan inring tawk em em a ni,” a ti bawk.

Lalduhoma chuan inthlan result puan a nih hnuah thlantlin zawng zawngte chuan Form inangah Legislature Party an zawm turah hming ziakin an nemnghet dawn tih sawiin, term khat atan Anti-Defection Law in a phuar zui nghal dawn tih a sawi a, mipuite chi-ai lo turin a chah bawk.