Latest News

CADC sawrkar-a BJP leh Congress thawhdunna atangin Congress in an inhnukdawk tih an sawi

Chakma Autonomous District Council (CADC)-a Congress leh BJP thawhhona ah CADC CEM leh Chakma BJP hruaitu, Shanti Jiban Chakma in hnathawh phung a hriat loh avangin Congress party chu an thawhhona United Legislature Party (ULP) a\angin a bang tih CDCC hruaituten an sawi.
Chakma District Congress Committee (CDCC) President, Amit Kumar Chakma leh CLP Secretary, Onish Moy Chakma-te chuan Inrinni khan Aizawl-ah thuthar thehdarhtute kawmin, Congress Legislature Party (CLP) leh BJP thawhhona United Legislature Party (ULP) a\anga an ban chhan hi an sawi a, CDCC President, Amit Kumar Chakma chuan BJP Legislature Party Leader leh CEM ni bawk, Shanti Jiban Chakma chuan Official hna leh hmalakna a neih te a thawpuite remtihna leh hriatpuina lovin hma a la \hin niin a sawi a, Non-Political Post zawng zawng pawh amah hian appointment a siam bakah a thawhpuite hriatpuina lovin a chhungkhat laina mi 4 chu MDC ruat seat-a dah turin Governor hnenah remtihpuina dilin a thawn tih a sawi bawk a. A duh dana thil a kalpui avang hian CADC Staff te, NGO te leh mipuite bakah a thawhpui Congress Party te chu a ngaihthah hle ni a a ngaih thu sawiin, heng te avang hian CLP chu October ni 28 khan \hukhawmin CADC chungchang an ngaihtuahho a. Hetah hian thutlukna siamin CEM kaihhruaina hnuaia awmzui zel chu thil dik leh \ha a an ngaih loh thu pawm a ni a, CADC a\anga inhnuhdawh an rel a, a tukah an bansan ta tih a sawi a ni.
CADC sawrkar a\anga Congress an inhnuhdawh thu hi Mizoram Larsap hnenah an thlen tawh tih a sawi a, hetihlai hian Larsap chhanna hi tun thlengin an la hmu lo tih an sawi a. An inhnuhdawh hma hian BJP Executive Member 3 leh INC a\angin Executive Member 3 an lo ban tawh thu leh tun dinhmunah hian CEM, Shanti Jiban Chakma hian BJP MDC pakhat nen CADC an enkawl mek niin a sawi bawk.
Hetihlai hian thudawnna pakhat chuan CADC-ah sawrkarna siam thei an awm loh avangin Governor Rule-a dah turin file kaltir mek thu leh tunkar chhung hian tihfel hman beisei a nih thu a sawi a. District Council Affairs hotute sawi danin CADC-a sawkarna siamtu, BJP-Congress sawrkarah Congress in an thlawpna an hnuhdawh avangin sawrkar siam thei an awm lo a, chuvangin dan angin Governor Rule-a dah a ngai a. Governor aiawhin Lawngtlai DC-in a awp dawn a ni.

Comments

Popular News (Last 30 Days)