Latest News

Serchhip-ah MNF Campaign Office hawng


‘Sawrkar loh hlauhna ka nei tawhlo’ - Dr. Thangtea



Serchhip East Block MNF chuan Inrinni khan Serchhip Bazar-ah Campaign Office hawnna neiin Vantlang Inkhawm neih ngal a ni a, he hun hi MNF Vice President, Dr. R. Lalthangliana chuan khuallian nia hmanpuiin sawrkar loh hlauhna a neih tawhloh thu a sawi.

Serchhip East Block MNF in Serchhip Bazar-a C. Laltea Building-a Campaign Office an buatsaih hi MNF Vice President, Dr. R. Lalthangliana hian Ribbon chepchat-a hawngin hemi hnu hian Serchhip Bazar tual-ah Vantlang Inkhawm neih zui nghal a ni a. He hun hi Serchhip East Block MNF Vice President, C. Vanlalsiamthara chuan kaihruaiin khuallian nia he hun hmanpuitu MNF Vice President, Dr. R. Lalthangliana hian an Party zawm thar mi 244 te lawmlutin an zingah hian New Serchhip South Village Council-a President, Roluahpuia pawh a tel a ni. Hemi hnu hian Dr. R. Lalthangliana chuan thu sawi zuiin tunhnaiah Mizoram hmun hrang hrangah an Party zawm thar lawmluh tur an nei reng chu Pathian hnathawh a nih thu sawiin, tunhnaia Mizoram hmun hrang hrang a fanchhuah hnuah sawrkar loh hlauhna a neih tawhloh thu a sawi a. MNF sawrkar laia hma an lakna hrang hrangte pawh sawiin, tunhnaia BJP leh MNF thawkdun anga sawi chu thu diklo a nih thu leh MNF chu BJP nen an thawhdun loh thu a sawi a. BJP lo thawhpui tawhtute chu ZNP leh Congress Party an nih thu a sawi a. “BJP National President Amit Shah ngei pawhin Mizoramah BJP-in MNF an thawhpui loh tur thu hmanni lawka alo kalin a puang a. Heti chung pawha MNF leh BJP thawkho anga dawt thu vawrhdarh mek a ni hi MNF boruak lian zel huphurh tute chalchang thil tih a ni,” a ti.
MNF Vice President chuan MNF kum 10 an sawrkar khan thil tam tak tih an neih thu sawiin, “Congress sawrkar khan District 5 an puang a, ball-pen pakhat pawh an hnutchhiah lo. Chuti chung chuan MNF sawrkar khan a tipuitling vek. MNF sawrkarin District 3 lek a puan ve thung erawh chu hawisanin a awm a. Hei hi MNF a sawrkar chuan a tipuitling ngei dawn a ni,” a ti.

He hunah hian MNF party zawm thar an lawmluhte a\angin Rohluahpuia, New Serchhip chuan thu a sawi bakah Ex-MNA Adviser, Zodailova pawhin thu a sawi a, Serchhip bial-a MNF Candidate, C. Lalramzauva pawhin thu a sawi bawk.

Comments

Popular News (Last 30 Days)