Mizoram-a nu naupai thisen test zingah za zela 1.19 in HIV hrik an pai tih hmuhchhuah a ni

Mizorama nu naupai thisen test zingah za zela 1.19 in HIV hrik an pai tih hmuhchhuah a ni.
National AIDS Control Organization (NACO) in ramchhunga HIV hluar dan enna atana a siam kum 2016-2017 Sentinel Surveillance-ah Mizorama nu naupai thisen test zingah za zela 1.19 in HIV hrik an pai tih hmuhchhuah an ni a, hei hi rampum dinhmun za zela 0.28 aiin a sang hle a, Mizoram chu mipui tam zawng chhuta HIV hluarna ber state a ni. Mizorama District hrang hrang 8-ah HIV inkaichhawng an pung zel tih mithiam ten an sawi a, kum 1990 chho kha chuan HIV hi drugs-a inchiu \hinte leh High Risk Group zingah hmuhchhuah an tam ber a. Kum 2000 chho ah chuan inchiu \hinte zingah invenna tel lova mipat hmeichhiatna hmang \hin te leh mipui mimir zingah he natna kai thar hmuhchhuah an pung ve leh ta thung a. Kum 2014 kumtira mipui nawlpui zinga HIV darh dan chhutnaah mi za zela 2.9 a\angin August, 2018 thlaah chuan za zela 5.5 ah a pung chho a ni.
Mipui nawlpui invenna tel lova sex hmang HIV kaite zingah hmeichhia mahni inzuar \hin a\anga kai za zela 3.3 an nih laiin, hmeichhe inzuar \hin pawh nilo, kawppui nghet nei pawh ni chuanglo a\anga kai chu mi za zela 61.4 an ni tih kum 2015 a\anga kumin August inkara case awmzat a\angin chhut a ni a, hei hian mipui nawlpui zingah he natna hi a lo inkhuar nghet tawh viau a ni tih a tilang chiang tih thawktute chuan an sawi a ni.
Mizoram pumah he natna kai hmuhchhuah belh zel an nih laiin thisen endik zat erawh chu a tlahniam zel tih Sentinnel Report-ah hian tarlan a ni bawk a. Nikum, 2017-2018 a Mizoram puma thisen endik zat 56,750 an tlin laiin kumin April-August inkara thisen endik zat 24,054 chauh an ni a. Heti chung hian HIV kai hmuhchhuah erawh chu a pung viau thung tih thawktute chuan an sawi a. Nikuma thla tina nu naupai te dinhmun enfiahna a\anga HIV kai hi hmuhchhuah zat za zela 7.5 (7.5%) kha kuminah chuan, August thla thleng khan za zela 9.4 (9.4)-ah a pung chho tawh bawk a ni.

Popular posts from this blog

PAN CARD an tih teh fo hi - Laldinpuia