Record leh document vawn that kawngah nasa taka tan lak a ngai - Larsap

Mizoram Larsap, Kummanam Rajasekharan chuan nimin khan Aizawl Babutlang-a State Archive Office chu tlawhin Mizoram-ah record leh document vawn \hat kawngah nasa taka \an lak a ngai thu a sawi.
Nimin-a Larsap in State Archive Office a tlawhna ah hian Larsap chuan Art & Culture Department Official te kawmin mumal zawka Records leh Documents thehluh a nih theih dan tur leh Sawrkar Pisa ten Archive awmzia an hriat a pawimawh na te a sawipui a. Larsap chuan Mizoram-ah record leh document vawn\hat kawngah nasa taka \an lak a ngai tih sawiin, Sawrkar Department hrang hrang te pawhin document dah\hat leh archive hman nachang an hriat a \ul hle a ni, a ti a. "Sawrkar Document, Order leh Record te hi History behchhan leh ziahna hmanraw rintlak ber a ni a. Tupawhin History ziak mahse thudik tlawhchhan tur leh \anchhan tura record rintlak te a neih loh chuan History belhchian dawllo a ziak a ni. History ziak tur emaw, research bei tur ten an pan hmasak ber \hin chu Archive leh Library te a ni. Tunah hian State Archive hi ngaihpawimawh a nih loh chuan \hangthar ten tuna thil thleng mek, nakin lawka Mizo History ni mai turte an hrechiang thei dawn lo a ni. Chuvangin \an kan lak tlan a ngai a; Department te pawhin an ngaih pawimawh ngei ka beisei a ni," a ti.
He hunah hian Archivist, F.Lalthanmawia chuan State Archive in sawrkar lehkha pawimawh te lakkhawm leh dah\hat a nih theihna tura sawrkar department hrang hrangte an dawr tawh dan bakah an thlen chin te a sawifiah hmasa a. Tuna lehkhabu leh record pawimawh State Archive a awm mek te chu Digitize tura hmalak mek leh engemaw zat chu digitized tawh a ni tih sawiin, Sawrkar Department hrang hrangah document hlui te Archive-ah dah\ha tura ngenna chu ngaih pawimawh a ni lo tih a sawi a. Sawrkar Office-ah te Record Room pawh siam a la awm meuh lo tih sawiin, Sawrkar inkaihruaina ang chuan kum 25 hmalama sawrkar File, Order, Document leh record te chu Archive-ah thehluh \hin tur a ni a. Sawrkar Office tinah Record room pawh neih \heuh tur a ni, a ti bawk.
Nimin a Larsap in State Archive Office a tlawhna ah hian State Archive Office chhunga records leh document dahthatte leh lekhabu vawn thatna khawl te enpui a ni bawk.

Popular posts from this blog

PAN CARD an tih teh fo hi - Laldinpuia