Police ten Flag March nei

Assembly inthlanpui neih tura Serchhip a duty tura rawn kal, Assam Armed Police te chuan nimin khan Serchhip khawpui chhung Veng hrang hrangah Flag March an nei.

Mizoram Assembly inthlanpui neih tur hian Serchhip District chhunga venhimna hna thawk turin Assam a\angin State Armed Police (SAP) Company khat rawn thleng tawhin New Serchhip a an awmna tur hmu atana ruahman ah inbunin venhimna hna leh Vote thlakna khawl dah ve venhim hna ngawrh takin an thawk mek a. He inthlanpui neih tur hi boruak muan-awm tak hnuaiah kalpui a ni tih lantirna atan leh venhimna pawh khauh taka kalpui a nih dan tur entirin nimin khan khawpui chhung hmun hrang hrangah Flag March hi neih a ni.

He Flag March-a tel te hi hlawm hnih (2)-ah in\henin Serchhip Venglai-a Indoor Sta-dium a\anga \anin Serchhip Bazar thleng neih a nih hnuah hlawm khat hian chhim lam Veng te fangin a hlawm khat hian Chanmari Veng, AOC Veng leh P&E Veng te an fang a ni. Police hotute chuan he inthlanna neih tur hi boruak muanawm tak leh him taka taka neih a nih theih nan mipuite \awiawmna an ngen a, sawrkar in ruahmanna a siam te \ha taka zawm tur leh Dan bawhchhia a che te chu a rang lama thuneitute hnena hriattir nghal zel turin an chah bawk a ni.