Inthlang turin Police te inpeih thawhkhat

Mizoram Police te chuan Assembly inthlanpui boruak muanawm tak leh felfai taka nei turin an inpeihfel thawkhat tih an sawi.

Nimin a thuchhuah siama an tarlan danin Mizoram Police chuan tun \um inthlanpui neih turah hian Mizoram-ah venhim ngai bik (vulnerable areas) 36 leh Critical Polling Station 47 te District panga ah awmin heng hmunah te hian Mizoram Police leh CAPF te duty tir mek zel a nih thu tarlangin, Bru mipuite tana Kanhmun-a Special Polling Station 15 nen Polling Station 1179 a awm tih an tarlang a. Heng bakah an duty-na hrang hrangah pawh hmalak mek a nih thu tarlangin, inbiakpawhna lamah pawh harsatna awmlo tura ngaih a nih thu an tarlang. Mizoram Police te chuan tun thla ni 25 thleng khan Zu, ruihtheih thil leh a dangte dan lova zawrh Rs. 4,19,64,610/- hu vel man a nih tawh thu pawh sawiin, ralmuang tak leh boruak \ha tak hnuaiah Mizoram Inthlanpui hi kan neih ngei theih nan mipuite, NGO hrang hrang te, Kohhran hruaitute leh Political Party zawng zawng te \ha taka thawk tlang a, Mizoram Police te hnathawh \awiawm zel turin an ngen a. Kumin a Mizoram Inthlanpui hi ramchhunga inthlanna thianghlim leh felfai ber ni tura hma la \heuh turin mipuite chu an sawm bawk.