Tuichawng bial-a Ajasora Polling Station-ah mipui ten tluang takin Vote an thlak zo ta

/
Vote thlakna khawl hman laklawh laia a \hatloh avanga Vote thlak \ha tura Election Commission of India in Vote thlak \ha tura a tihna, Lawngtlai District-a 36-Tuichawng (ST) Assembly Constituency hnuaia Ajasora Polling Station-ah nimin khan tlung taka vote thlak zawh niin Vote zaa 87.03 a tla.

November ni 28, 2018-a Mizoram MLA Inthlanpui 2018 buatsaiha vote thlak zawh hman a nih loh avanga Election Commission of India (ECI)-in a thara Vote thlakna buatsaih leh tura a tihna, Lawngtlai District chhunga 36-Tuichawng (ST) Assembly Constituency hnuaia Polling Station pakhat, 36/35-Ajasora PS-ah nimin khan tluang taka vote thlak zawh a ni a. 36/35-Ajasora PS-ah hian vote nei mipa 543 leh hmeichhia 537, an vaiin mi 1080 an awm a. Nimin zing dar 7:00 a\ang khan vote thlak \an niin, harsatna awm lovin tluang taka vote thlak theih a ni a. A khar hun pangngai nimin tlai dar 4:00-ah vote thlak hi khar niin, vote 940 a tla a. Mipa 445 leh hmeichhia 495-in vote an thlak a, vote tla hi za zela chhutin 87.03 a tling phak a ni. He inthlanna a hman EVM leh VVPAT te chu nimin vek khan Ajasora a\ang hian Lawngtlai panpui nghal a ni a, Strong Room-ah dahlutin tun thla ni 11-a Vote chhiar dawnah phawrh leh a ni ang.
Heti hian Lawngtlai District chhunga Assembly Constituency pathuma Polling Station 161 awmah Voter 80221 an awm a. Heti hian vote 64,841 (81%) a tla ta a, mipa 32,582 leh hmeichhia 32,259 te'n vote an thlak a. Polling Station 59 awmna 36-Tuichawng (ST) Assembly Constituency-ah voter 30,584 awmin, vote 25,969 (85%) a tla a. Polling Station 68 awmna 37-Lawngtlai West (ST) Assembly Constituency-ah voter 26,124 awmin, vote 21,393 (82%) a tla a. Polling Station 34 awmna 38-Lawngtlai East (ST) Assembly Constituency-ah voter 23,513 awmin, vote 17,354 (74%) a tla bawk a ni.
Hei bakah hian tun thlengin Lawngtlai District-a Assembl Constituency pathumah te hian Postal Ballot vote 996 a tla tawh a. 36-Tuichawng-ah vote 147, 37-Lawngtlai West-ah vote 331 leh 38-Lawngtlai East-ah vote 518 a tla tawh a ni. Postal ballot vote hi inthlan kaih-hnawiha duty, mahni vote neihna Polling Station-a vote thlak hman lote tan vote chhiar hma thlengin la thlak theih zel a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »