Larsap hovin Vijay Diwas hman a ni

India Sipai ten Dec. 16-a an hman \hin, Pakistan sipai te an Hnehna Ni, Vijay Diwas chu nimin khan Mizoram-ah sawrkar ruahman angin hman a ni.

Vijay Diwas puala inkhawm hi Aizawl Treasury Square-a War Memorial-ah neih niin he hunah hian ram tana nunhlan sipai hrang hrangte zahna pangpar chu Sawrkar mi pawimawh, sipai hotute leh Ex- Servicemen ten Martar-te Thlan-ah an dah a. India sipai huaisen te zahna chibai bukna leh pangpar hlanna hunah hian Governor Kummanam Rajasekharan chuan hma hruaiin War Memorial-ah hian pangpar thi dahin Indona hmuna pasal\ha te leh Martar te zahna chibai a buk a. Hemi hnuah hian Chief Secretary Arvind Ray, Home Principal Secretary Lalrinliana Fanai, DGP Balaji Srivastava, Aizawl District Bawrhsap Dr. A. Muthamma, Aizawl District SP Brijendra Kumar Yadav leh mi pawimawh ten zahna lantirin pangpar an dah bawk a ni.

December ni 16, 1971 khan Ramna Race Course tuna Suhrawardy Udyan ni ta, Dhaka khawpui, Bangladesh-ah India Sipai hotulian, Lt. Gen Jasgit Singh Aurora hnenah Pakistan General Amir Abdullah Khan Niazi leh a sipai 93,000 te chu India laka tlawmin an inpe a. He hnehna pawimawh tak avang hian Bangladesh chuan Pakistan a\angin zalenna a neih phah a ni.