NLUP sum awm tawhlo nia sawi a diklo tih sawi

Congress MLA, KS. Thanga chuan Agriculture Minister hlui R. Lalzirliana'n MNF Party a zawm ni-a mipuite ti thlabar zawnga NLUP-ah sum a awm tawh lo ni a a sawi chu thudik lo a ni, a ti.
Inrinni khan Aizawl-a Congress Bhavan-ah he thu hi chanchinbumite hrilhin KS. Thanga chuan R. Lalzirliana chu Congress Party-a a awm laia thu dik sawi \hin, dawt sawi ngai lo a ni a, dawt sawina sikul an tih MNF Party a zawm ni a\angin Mizoram mipuite ti luhai thei thudiklo a sawi nghal a, a awmna party hotute tihlawm nan bul a \an ve ta a ni, a ti. KS. Thanga chuan kum 2008 kum tawp a\angin Lal Thanhawla leh a kaihhruai Congress Party chuan tun thleng hian Mizorama chhungkaw awm zawng zawng zinga 76% ten NLUP a\angin eizawnna bul \anna tur \anpuina an dawng tih a sawi.
KS. Thanga chuan kum 2009 khan mirethei leh harsa NLUP dawng thei tur zirchianna chu YMA-in Baseline Survey an neih thu leh YMA-in Baseline Survey a neih a\anga alan danin kum 2009 (Sept.) khan Mizoram pumah chhungkua 2,07,971 awmin NLUP Eligibility Criteria dungzuiin NLUP dawng thei tur chin chhungkua 1,59,528 an ni tih a sawi a. Hemi hnu 2011 Census-ah Mizoram-ah chhungkua 2,21,077 kan awm thu sawiin, kumin Oct. 18 thleng khan chhungkaw 167,235 te chu NLUP leh NLUP-NEDP Convergence Scheme (NNCS) hnuaiah \anpui an nih tawh thu a sawi a. NLUP pangngai Phase I–IV semna hnuaiah chhungkua 1,33,335-in \anpuina dawngin hemi hnu hian NLUP-NEDP Convergence Scheme (NNCS) kalpui niin Phase I–III thleng kalpui tawhah chhungkaw 33,900-in \anpuina an dawng mek a, hemi atan hian cheng vbc. 177 hman tawh a nih thu a sawi a. NLUP-NEDP Convergence Scheme Phase II & III hnuaiah anmahni account-a 1st Instalment dawng tawh zat chu chhungkaw 29,710 niin Election puan avanga 1st Instalment dawng ve hman lo chhungkaw 2,690 te chan ai tur pawh sanctioned fel hnuah Nodal Department. Agriculture Department a\angin Line Department-ah pek fel hman vek a ni tih a sawi bawk.
Hei bakah hian KS. Thanga chuan R. Lalzirliana'n NLUP ah pawisa a awm tawh lo nia a sawi chu pawi a tih thu leh chhungkaw 32,400, Phase-III dawng tura thlan te chauh in an la dawng lo chauh a nih lai leh chung ho ta tur pawh a awm vek tawh laia pawisa a awm lo a tih chu thu diklo a nih thu a sawi a. NLUP chu sem chhunzawm zel a ni dawn tih a sawi a. “NLUP tih\huanawp tuma eptu Political Party leh mimal te’n hma an la \hin hi Congress chuan pawi a tiin, lungchhiatthlak a ti a, hetiang a hma latute hi mirethei leh khawsak harsa em emte hmuhsitna ah kan ngai hial a ni,” a ti bawk.

Popular posts from this blog

PAN CARD an tih teh fo hi - Laldinpuia