Hnam Hnatlang neih leh a ni

Mizoram NGO Co-Ordination Committee huaihawta Hnam Hnatlang neih chu nimin khan chhunzawm leh niin chawhnu dar 12:45 khan he Hnam Hnatlang hi tihtawp a ni.
Niminpiah lama Serchhip-a Hnam Hnatlang hlawhtling taka neih a nih hnuah nimin khan Hnam Hnatlang hi NGO Co-Ordination Committee huaihawtin Ser-chhip-ah neih leh a ni a, Serchhip-ah hian zing dar 9:00 khan Serchhip IOC Veng-a DC Office peng-ah mipui \hahnem tak pungkhawm lehin Serchhip DC Office panna kawng-ah \hutthleng remin helai hmuna lirthei kaltlang turte an dang a. Amaherawh chu nimin kha sawrkar Pisa chawlh a nih avangin sawrkar Pisa kai tur dan tur an awm lo a, Sawrkar thuneitu Magistrate te erawh DC Office-ah hian kaiin thil duhawmlo thleng a awm lo bawk a. Election lama hotute chuan sawrkar Pisa chawlh a nih avangin Mizoram Assembly inthlanpui neih tura chuh tumte tan pawh Nomination File theih a nih loh thu an sawi bawk.
Serchhip NGO Co-Ordination Committee President, R. Sanghmingthanga chuan Serchhip mipui ten \ha taka Hnam hnatlang an thlawp chu lawmawm a tih thu sawiin, Mizoram NGO Co-Ordination Committee te thilphut chu sawrkar lam a\anga tih hlawhtlinna ala awm loh avangin he hnatlang hi neih leh a nih thu a sawi a ni. Hetianga Mizo Hnam Hnatlang neih a nih lai nimin chhun khan Mizoram CEO, SB. Shashank hian Mizoram a chhuahsan tak avangin chawhnu dar 12:45 khan he Hnam Hnatlang hi tihtawp a ni ta a. NGO Co-Ordination Committee hruaitute chuan hmalak zel dan turah Aizawl lam an ngaihchan dawn thu an sawi bawk.
Nimin a Serchhip-a Hnam Hnatlang-ah hian mi 300 vel zet thawkchhuak lehin heng hna-tlang a thawk te tan hian mimal leh pawl \ha-hnem takin sum leh pai an thawh bawk a, heng mi inphal te chungah hian NGO Co-Ordination Committee chuan lawmthu an sawi tak meuh meuh bawk a ni.

Popular posts from this blog

PAN CARD an tih teh fo hi - Laldinpuia