Serchhip-ah Hnam Chhan Hnatlang neiin Serchhip mipui ten an thlawp \ha hle

Nimin November 6, 2018 khan Mizoram hmun hrang hrangah NGO Co-Ordination Committee huaihawtin Mizo Hnam Chhan Hnatlang neih a ni a, he hunah hian Election buaipuitu sawrkar hnathawk te Pisa kai tur dan niin Serchhip-ah pawh he hnatlang hi neih niin mipui \hahnem tak an pungkhawm a ni.

Mizoram NGO Co-Ordination Committee ten Mizoram inthlanpui neihna tura hmalakna kal mekah Mizoram Chief Electoral Officer, SB. Shashank an duhloh avanga a chhuah an phutna kalzel ah Mizoram chhuahsan tura an hun pek a liam hnuah pawh Mizoram CEO hian Mizoram a chhuahsan tak loh avangin nimin a\ang khan Mizoram hmun hrang hrangah Election buaipuitu sawrkar hnathawk te Pisa kai tur dan an ni a. Serchhip-ah pawh nimin zing dar 8:00 a\ang khan Serchhip IOC Veng-a DC Office Peng-ah NGO Co-Ordination Committee huaihawtin mipui \hahnem tak an pungkhawm a ni. Nimin a Serchhip-a Hnam Hnatlang neih a nih avang hian NGO Co-Ordination Committee in ngenna a siam angin sawrkar hnathawk Pisa kai luih tuma chhuak khawi hmunah mah awm lovin hnatlang-ah hian an thawk a, zirna In te pawh khar a nih bakah sumdawnna hmun, Dawr hrang hrangte pawh khar a ni bawk a, khawlai ah mipui veivak hmuh tur an awm meuh lo a, Serchhip a Bawrhsap Pisa-ah pawh Magistrate te bak Pisa kai hmuh tur an awmlo a ni.

Nimin a hetianga Mizo Hnam Chhan Hnatlang neih a nih dawn avang hian Serchhip Police te pawhin venhimna hna khauh taka kalpuiin Serchhip IOC Veng-a DC Office Peng-ah Serchhip-a Police \hahnem tak an hmanrua te nen duty tir an ni a, heng mite bakah hian Thenzawl-a Police Training School a\angin Police \hahnem tak rawn lakchhoh ni bawkin buaina leh thil duhawmlo thleng erawh a awmlo thung a ni.

Nimin a Serchhip DC’s Office Peng-a Mizo Hnam Chhan Hnatlang neih ah hian inkhawm tawi neih niin he hun hi Serchhip District NGO Co-Ordination Committee Secretary, Lalram-mawia chuan kaihruaiin he huna kalkhawmte chu ‘Tuikuk te hian Mizoram pawnah vote thlak suh se,’ ‘Mizo hnam hmusittu SB. Shahsank hi haw rawh se,’ ‘Mizo hnam inpumkhatna tichhe tu leh mahni aia senior hektu hi haw rawh se,’ ‘CEO SB. Shahsank kan duh lo,’ tih leh ‘Mahni hnathawk zo lo Hnamdang IAS kan duhlo’ tihte bakah Lalnunmawia Chuaungo thlahvang hauhna thu te in an aurual a ni.

Nimin a Hnam Hnatlang-ah hian NGO Co-Ordination Committee Chairman, R. Sang-hmingthanga chuan he Hnatlang an neih chhan hrang hrangte a sawi a. NGO Co-Ordination Committee a tel tlawmngai pawl te a\angin MUP Sub-Hqrs. President, Lalliana te, MHIP Sub-Hqrs. Serchhip Vice President, Lianthangi te, MZP Hqrs. Serchhip President, H. Lallawmkima leh MSU Sub-Hqrs. President, Laldingliana Chhangte te pawhin thu an sawi bakah tunhnaia sawrkar in a sawn tak Lalnunmawia Chuaungo pizawn, Saichami Sailo, Ser-chhip AOC Veng pawhin thu a sawi a, PAMRA Saizahawla District, Serchhip hruaitute pawhin thu an sawi bawk.