ZPM CM Candidate in Nomination Paper thehlut

Serchhip bial-a Assembly inthlanpui chuh turin ZPM Chief Ministerial candidate, Lal-duhoma chuan nimin khan he inthlanna Returning Officer tur, Sangchhin Chinzah hnenah Nomination a file.
Election Commission of India in ruahmanna a siam angin tun thla ni 28-a Mizoram Assembly inthlanpui neih tur atan nimin khan Notification chhuah a ni ta a, hemi ang hian nimin chawhma dar 11:00 a\ang khan he inthlanna chuh tumte tana hming pekluhna hun chu hawn nghal niin Serchhip District chhunga a hmasa ber turin ZPM Chief Ministerian candidate, Lalduhoma chuan 26-Serchhip (ST) AC chuh turin nimin khan he biala Returning Officer leh Serchhip DC, Sangchhin Chinzah hnenah Nomination a file a. Lalduhoma hian he inthlanna hi Independent-a chuh turin Nomination a file a, Serchhip-a ZPM hruaitu \hahnem takin an \awiawm a ni.
Nomination a File zawh hnua thuthar thehdarhtu ten Serchhip DC Office tual-a an kawmna ah Lalduhoma chuan Serchhip bial-ah hian tlin ngei a inbeisei thu leh an boruak a \hat zel thu a sawi a, hnehna sang tak an chan a beisei thu sawiin, mi \henkhat ten Congress tana bei leh Congress tihchhiat tum anga an puhna te chu thu diklo a nih thu sawiin, Serchhip bial mipuite nen ramlai malsawmna an dawn theihna tura an hotu ten an dah thu a sawi a. Serchhip bikah MNF nen Semi Final khel zo tawhin Final an luh thu a sawi a, Congress nen Final hi an khelh dawn thu a sawi. ZPM Chief Ministerial Candidate chuan Mizoram pum thlirin Congress leh MNF ten a sang bera an indah ve ve laiin ZPM chu pahnihna ah an dah ve ve thu a sawi a, hei vang hian pakhatna an nih dawn thu a sawi bawk.
ZPM hian Vawiin chhun dar 12:00 hian Serchhip Bazar-ah Public Meeting an nei zui dawn a, Lalduhoma leh ZPM General Hqrs. hruaitu dang ten thu an sawi dawn a ni.

Popular posts from this blog

PAN CARD an tih teh fo hi - Laldinpuia