Petrol Pump tam zawk dah tum

Indian Oil Corporation Ltd.-a Chief Divisional Retail Sales Manager, Alok D. Dutta chuan Mizoram-ah Petrol Pump tam zawk hawn belh tum niin a sawi.

Zirtawpni kaltaa Aizawl Mizofed Conference Hall-a thuthar thehdarhtute a kawmnaah he thu hi sawiin Alok D. Dutta chuan ram leh mipui \hang chho zelte mamawh tuialhthei \ha zawk leh awlsam zawka Mizoram mipuite pek theih chu Public Sector Oil Company te chuan an tum tih a sawi a, hmun kilkhawr zawka awm te pawhin a man inanga tuialhthei an hmuh theihna tur ngaihtuahin Indian Oil Corporation Ltd. leh Public Sector hnuaia Oil Company dangte chuan Petrol Pump din duhte tan online-a awlsam zawka dilna thehluh theihin an siam tawh niin a sawi

Alok D. Dutta chuan online-a an dilna te chu Computer hmang vekin thlan an nih thu pawh sawiin, thlan an nih hnuah chung mite chuan tunlai thiamna changkang zawk leh hmanraw chang-kang zawk hmangin tuialhthei sem chhuahna an siam a ngai tawh a ni a ti. IOC Chief Divisional Retail Sales Manager chuan tuialhthei hralh-chhuahna Petrol Pump hmun hrang hranga siam te chu hnathawh tur neilo te thawhna tur siam nan thil pawimawh a ni tih a sawi bawk.