Voter te thlamuang taka Vote thlak turin duhsak

MNF chuan Assembly inthlanpui neih tur chu inthlanna thianghlim, fel leh fai nise a duhin voter zawng zawngten thlamuang takin vote an thlak theih nan duhsakna sang ber a hlan.
Nimin a Aizawl Press Club-a thuthar thehdarhtute an kawmna ah Mizoram Rajya Sabha MP hlui leh MNF Vigilance & Legal Committee Chairman ni bawk, Lalhmingliana chuan kumina kan State Legislative Assembly inthlan pui lo awm tur hian danglamna tak a neih thu leh Mizoram-ah Election Commission of India hriatpui Political party 9 lai a awm laiin party 7 chauh he inthlannaah hian an tel dawn tih a sawi.
Lalhmingliana chuan tun inthlan tura an khingpui lian ber,Congress chuan term 2 zet ro a rel thu leh an sawrkar chung hian scam lian tham tak tak- Lottery Scandal te, Zo Carbon te, Sunshine Overseas nexus te, Biscuit supply te, Dihmunzawl In \hiah man to uchuak te, SIPMIU Ek In man to te, Bawlhlawh paih motor leina man to lutuk te, Lok Auyukta dinna tura sum dah cheng nuai 478.02 hmanna hriat loh leh a dang tam tak an sawi tawh bakah nikum May leh July thla chhunga ruahsur nasa avanga Mizo-ram in chhiatna nasa tak a tawh chhawmdawl nan Mizoram Sawrkar chuan Central Sorkarah \anpuina Cheng vbc. 115 zet dilin, cheng nuai 3597 chu March 8, 2018 khan Mizoram sawrkar sum bawm ah rawn dah a ni tih a sawi a.
He sum hi khuarel chhiatna tuartu te hnen a thlen hriat a ni ta lo nia sawiin Lalhmingliana chuan, State sawrkarin \anpuina tlem tlema a sem ve diat diat bak kha vanduaina tawk te hnena pek a awm hriat zui a ni ta lo chu an hriatthiam loh thu leh a awmna chin leh an hmanna kim-chang rang taka Mizoram mipuite hrilh vat turin Sawrkar an phut thu pawh he hunah hian a sawi bawk.

Popular posts from this blog

PAN CARD an tih teh fo hi - Laldinpuia