Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Sports Complex sawiho

Serchhip District Sports Committee (SDSC) leh Serchhip District Football Association (SDFA) Office Bearers te chuan Pathianni khan inkawmhona neiin Serchhip Sports Complex chungchang sawihona an nei.
Serchhip District Sports Committee (SDSC) Chairman, K. Tlangthanmawia te In-a he inhmuhkhawmna ah hian Serchhip Hmar Veng-a Sports Complex sak meka Serchhip District Sports Committee leh Serchhip District Football Association te hma lo lak tawh dan hrang hrang he hunah hian sawiho niin he hna kal mek-a duhkhawp lohna an neih hrang hrangte pawh sawiho a ni a, \ha zawk tura ruahmanna an siam ah te pawh hma-sawnna engmah a awm loh avangin hna thawktu NBCC lamin an tih tur ang ti zo vatin sawrkar thuneitute hnenah hlan vat se an duh thu an sawi a. Sports Complex chu neitu thinlung pu-a enkawl tlan a \ul thu an sawi bawk.
He Sports Complex hman dan tur chung-chang pawh he hunah hian sawiho niin Serchhip District Sports Committee chu Mizoram State Sports Council leh Sawrkar a\ang pawhin Sports Association te khaikhawmtu a nih angin a enkawltu leh a neitu ber a nihloh theihlohna a awm avangin  DFA lam pawhin an hman hmain Programme dangte nen a insutbuai lohna turin District Sports Committee ah hriattirna thlen hmasa \hin se an ti a. Football Pitch bik chu Football Game atan lo chuan hman loh nise an ti bakah Football leh Sports discipline dangte pawhin an players te thunun se an ti a. A hmang \angkai bertu tur chu DFA a nih dawn avangin Terms & Conditions felfai taka siamin SDSC hriattir se, hmalak ho a \ulna ah \anrual zel nise an ti bawk.

Comments

Popular News (Last 30 Days)