Party dangten sum an chelek nasa - Lal Thanhawla

MPCC President, Lal Thanhawla chuan Assembly inthlanpui neih zawh takah Party \enkhatten sum an chelek nasa hle tih hi phat rual a ni lo, a ti.

Nimin a Aizawl Congress Bhavan Golden Hall-a Political Session-ah Lal Thanhawla hian thu sawiin inthlanna thianghlim leh felfai tak, duhawm tak kan nei chu a lawmawm hle tih a sawi a. “CEO vai sual tak kha vai sual vak lovin a rawn thlak a, CEO thar chuan Mizoram hi democracy rama inthlanna awm tawhah chuan a muanawm leh felfai ber a ni tiin min sawi nghe nghe a. India ram State dangte entawn tlak inthlanna muanawm kan nei hi a lawmawm tak zet a, MPF te pawhin nasa takin inthlanna felfai kan neih theih nan hma an la a, a lawmawm tak zet a ni,” a ti a. Heti chung hian Party \henkhatten sum an chelek nasa hle tih hi phat rual a ni lo tih pawh sawiin, “Heti chunga sum leh pai chelek lamah Congress Party-in sawi kan kai ve lo hi a lawmawm tak zet a, kan chak ta a nih pawhin chak dan thiam a, kan chak lo a nih pawhin puitling takin chak loh dan kan thiam mai tur a ni,” a ti bawk.

Lal Thanhawla chuan BJP in sum an chelek tih hi zep rual a ni lo tih pawh sawiin, “Chak hle tura kan inngaih hi kan chak lo thei a, chutih rualin kan beisei aia tam kan la thei bawk a ni. Chakma ramah BJP ten sum an sem tam em avangin Congress Candidate pakhat hi kan chan mai thei a. Inthlan result a chhuah hunah BJP te hian \an an la dawn a. Meghalaya, Manipur leh Nagaland-ah te pawh MLA nei tam lo mahse BJP an Sawrkar theih nan a thawhpui theitu chu cheng vaibelchhe tam takin an lei a ni. BJP pakhat tling a awm a, BJP ten Sawrkarna an siam a nih chuan Vaibelchhe engzatin nge an hausak ang tih kha lo chhui zui turin Mizo mipuite kan chah duh a ni,” a ti a. “Meghalaya leh Nagaland te hi Kristian tamna nimahse sum-a an lei theih avangin BJP an Sawrkar a, kan Kristian puite hian Mizoram-ah lehzel BJP an Sawrkar an hlau em em a, Kohhran hruaitute pawhin BJP hlauhawm zia an sawi a ni,” a ti bawk.