Mizo Hnam Run rawktu man a ni tawh

Aizawl-a MNF Party Office, Mizo Hnam Run chu rawk niin Mizo Hnam Run rawktu hi chhuichhuah a nih tawh thu MNF party chuan an sawi.

Aizawl-a MNF General Hqrs. Office, Mizo Hnam Run rawk a nih thu hi tunkar Thawh\anni zing dar 9:30 vela Chawkidar in Office a hawn hnuah hriat a ni chauh a, Police te hriattir nghal niin Police te'n thil thlen dan hi a hmunah an enfiah nghal a. Rukru hi a thil ruk Video camera a hralh chu nimin khan hmuhchhuah nghal a ni bawk. Mizo Hnam Run rawktu hian bungrua engemaw zat a la a, pawisa bo erawh a awm hriat a ni lo. Rukru hian Hnam Run Office Secretary Lalhmingliana Laptop bakah Video Camera leh Woofer a ru a. Steel Almira lian 5 leh a te 3 karchhia bawk a. Rukru hian pawisa a zawng a ang ber a. Mizo Hnam Run 1st Floor leh Second floor-ah nasa taka che in President Room, Senior Vice President Room leh Vice President Room-te pawh karchhiain a lut a ni. He thil thleng chungchangah hian nimin khan MNF Party chuan thuchhuah siamin he thil thleng hi Police te an hriattir hnuah Police lam chuan thil \ul leh chhui ngai zawng zawngte thawk nghal zung zungin a ni la lain thil tisualtu an man chhuak tih an tarlang a, a thilruk hralhna nen lam an man chhuak chu lawmawm an ti takzet tih an tarlang a. Case i/o leh a hote chungah lawmthu an sawi bawk.