MNF in mipuite \awng\ai puina an ngen

Serchhip East MNF Block chuan MNF Party hmanga sawrkar thar lo piang chu rorelna dik  kengkawhtu sawrkar a lo nih theihna turin Serchhip mipuite \awng\aipuina an ngen.

Nimin a thuchhuah an siamah Serchhip East MNF Block, Information & Publicity Department chuan Mizoram MLA General Election 2018 chu Pathian hruaina leh awmpuina azarah tluang leh muanawm taka neih zawh a nih thu tarlangin, “Roreltute hi Pathian ruat an ni tih mipuiten pawm tlang a, MNF Party kuta rorelna a pek tak avangin kan lawm em em a. Mipui sawrkar, kan ram tana hmel thar a \ha lama min hruai kaitu kan nih ngei pawh kan beisei,” an ti a. Chutih rualin, Serchhip bika MNF Official Candidate, C. Lalramzaua an zuar tling zo ve ta lo erawh pawi an tiin an tawrhpui thu tarlangin, khawngaih vote hlu tak an dawng erawh an lawm thu sawiin, Serchhip mipuite hnenah lawm-thu an sawi a. Serchhip bialtu MLA thar tura an thlantlin tak, Lalduhoma Independent Candidate (ZPM) pawh an lawmpui thu leh duhsakna chibai an buk thu an tarlang.