Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

MCC bawhchhia ah MNF in puh, MPCC in chhang

Tuivawl MNF Joint Block Committee-2018 chuan Tuivawl bial Congress candidate RL. Pianmawia chu Model Code of Conduct kalha che ah an puh.
Hemi chungchanga thuchhuah an siamah Tuivawl MNF Joint Block Committee chuan Election Commission of India (ECI) in Mizoram inthlanpui neih tur puanga Model Code of Conducts hman a nih hnuah Oct. 26, 2018 khan Tuivawl bial Congress Candidate, RL. Pianmawia chuan Dân bawhchhia in Sunhluchhip-ah Rangva Bandle 4 zelin In 4 ah a sem nia sawiin, pawi an tih thu an tarlang a. Inthlan puan a nih tawh hnua pawisa leh therhlo chi hrang hrang sem hi Indian Penal Code, Section 171B bawhchhiatna nia sawiin, Dan bawhchhetute hi kum 1 chhung lung In tan emaw, pawisa chawitir emaw, a pahnih a hrem theih a ni tih ah an tarlang a. Hei bakah hian Dan bawhchhia in Tuivawl bial khaw hrang hrangah Congress hruaitu ten mimal Bank Account a NLUP sum lut tawhte an sem sawm sak leh \hin tih hriat a ni tih an tarlang bawk.
Hetihlai hian MPCC Media Department chuan thuchhuah siamin Sunhluchhip khua a In 4 te Rangva dawn chungchang ah mi tute emaw in Election Code of Conduct bawhchhia ang a sawiin an hek tih tarlangin, Flying Squad te pawh a hmun ah kalin an endik tih an sawi a. Election puan hma in Rangva dawngte hnenah hian pek vek tawh niin phurh chhohna tur sum leh pai ah harsatna an neih avangin an phur chho thei mai lova. Oct. 26, 2018 (Zirtawpni) khan an VC te kal remchang chuan an lo phurh chhoh sak ta tih tarlangin, Inrinni kha Office chawlh a nih avangin Issue date en theih a nih rihloh thu leh tunkar ah an tarlan dawn thu an sawi bawk.

Comments

Popular News (Last 30 Days)