Winter Festival hmang mek

Mizoram sawrkar-a Tourism Department buatsaih Winter Festival 2018 chu Tuirial Airfield-ah hman mek niin Vawiin hian zawhfel a ni ang.
Tunkar Ningani a\anga hman Winter Festival nimin a chhunzawm hi Chaltlang Lily Veng Branch YMA ten zaiin an hawng a, Mizoram Cultural Organisation a\angin hnam lam leh 23 Sector Assam Rifles ten Khukri dance entirna hun an nei a, Mizoram Winter Festival 2018 puala Slogan Writing inziahsiak buatsaiha a \hazual pathum thlanchhuahte hnenah lawmman hlanna hun hman a ni bawk. Winter Festival thawh hnihna ah hian rawlthar talent nei \ha tak tak ten an thiam thil, Cycling, Yoyo leh Skateboarding te entirin chawhnu lamah zaithiam hrang hrang ten hun an hmang bawk a ni.
Winter Festival 2018 hi Decemeber 13, 14 leh 15 chhung hian Tuirial Airfield-ah hman tura ruahman niin Vawiin hian chhunzawm lehin zawhfel a ni anga, he hun hman chhung hian intih-hlimna hrang hrang chhawp chhuah a ni a, Food Court, Hot air balloon, Zorbing, Archery, Powered Paratrike te awm in Painting, Orchid Exhibition te a awm bawk a, hnam lam leh zai te entir niin mipui \hahnem tak bakah rampawn a\angin zin mi engemaw zat chhimtu an awm bawk a ni.
Kumin a Winter Festival hi a \um hnihna niin niminpiah khan Mizoram Chief Secretary, Arvind Ray chuan khuallian niin a lo hawng tawh a, Chief Secretary chuan Mizoram Tourism Department in kawng hrang hranga hma an lakna chu fakawm tiin Winter Festival 2018 hian Mizo-ram hi zin mite thlen chakna hmunah a siam ngei a beisei thu a sawi bawk a ni.

Comments

Popular posts from this blog

PAN CARD an tih teh fo hi - Laldinpuia