MLA Candidate 209 zinga 9 in thubuai an awrh

Karleh Nilaini-a Mizoram Assembly Elections 2018 neih turah Association for Democratic Reforms (ADR) chuan candidate te affidavit thehluh a\anga a zirchianna ah Candidate 209 an awm a. Chung zinga mi 9 chuan thubuai (criminal case) an awrh mek a. Candidate zinga mi 116 te erawh chu hausa tawntaw (crorepati) an ni, an ti.

ADR te hian Aizawl Press Club-ah thuthar thehdarhtute kawmin hetah hian inthlan hmasak (2013) ah khan candidate 3 (2%) chauh thubuai (criminal case) nei an awm laiin, kuminah chuan candidate 9 (4%) in thubuai an awrh a ni, a ti a. Thubuai awrhtu zinga mi 4 chu thubuai lian tham awrh an ni, an ti a. Thubuai nei te hi Dr. R. Lalthangliana, James Thang-hmingmawia, Lal Thanhawla (bial 2), Lalduhpuii, RM. Chakma, VL. Zahawma, V. Malsawmtluanga leh Zoramthanga te an ni.

Kum 2013 inthlanah khan candidate 142 an awm a, an zinga mi 75 (53%) chu hausa tawntaw (an sum leh rohlu neih a\anga cheng vaibelchhe khat chuang nei) an ni a, kumin 2018-ah hi chuan candidate 209 awm mek zinga 116 (56%) chu crorepatti an ni, an ti bawk.

Party candidate zingah hian crorepati awm tam dan an tarlan danin, BJP in candidate 39 a neih zinga 17 chu crorepati (44%) an ni a. INC candidadte 40 zinga 33 (83%) pawh crorepari an ni a. MNF pawhin candidate 40 an neih zinga 35 (88%) chu crorepari an ni, a ti a. BJP candidate te hausak dan hi chawhrualin candidate tinin cheng vbc 1.66 nei \heuh ang an ni a. INC cadidate 40 te hausakna chawhrual pawh cheng vbc 3.31 \heuh ang an ni a. MNF candidate 40 te phei chu mi pakhatin cheng vbc 7.21 \heuh nei ang an ni, tiin ADR chuan a sawi.

Party tenau leh Independent te neih sum an zirchiannaah pawh PRISM party candidate 13 te neihsum chawhrual chu cheng nuai 41.8 \heuh a ni a. NPP candidate 9 te neihsum chu cheng vbc 1.73 \heuh ang a ni a, NCP candidate 5 pawh Rs. 84,000/- \heuh ang a ni a. Independent candidate 63 te neihsum chawhrual pawh cheng vbc 2.29 a ni.

ADR chuan candidate te qualification a zirchiannaah candidate 60 (29%) te chu Class 5-12 an ni a. Candidate 142 (68%) te erawh chuan Graduate leh a chunglam niin Candidate 209 zinga pakhat erawh chuan ziak leh chhiar a thiam ve tih chauh a tarlang thung a ni.

Candidate 32 (15%) chu kum 25-40 inkar an ni a, Candidate 120 (57%) te chu kum 41-60 inkar an ni a. Candidate 56 (27%) te erawh chu kum 61-80 inkar an ni a, candidate 1 erawhchu kum 80 aia upa a ni thung. Kumin hian candidate 209 zingah hmeichhia 18 (9%) an awm a. Kum 2013 inthlanpuiah khan candidate 142 ah hmeichhia chu 6 (4%) chauh an ni thung a ni.