Zangnadawm na pe tam tawh

Mizoram State Legal Services Authority (MSLSA) chuan The Mizoram Victims of Crime Compensation Scheme 2011 hnuaiah zangna-dawmna Rs. 3,19,57,000 a pechhuak tawh.

Mizo-ram State Legal Services Authority thawktute hnen a\anga thudawn danin The Mizoram Victims of Crime Compensation Scheme 2011 hnuaia zangnadawmna an pekchhuahte hi POCSO hnuaia vanduaina tawk mi 80, pawngsual tuar mi 26 leh sualna dang avanga tuartu 40 te an ni a. Mizoram State Legal Services Authority hian kum 2012 a\angin The Mizoram Victims of Crime Compensation Scheme 2011 hnuaiah hian \anpuina/zangnadawmna hi an pe \an a, he scheme hnuaiah hian BPL chhungkuate chu vanduaina an tawhin zangnadawmna hi an dil thei a, an case a zirin pawisa pek theih zat hi a inang lo thung a, kumtlinglo chunga pawikhawihna thleng ah phei chuan a leta zangnadawmna pek theihna dan pawh a awm a ni.

Mizoram State Legal Services Authority thawktute chuan vanduaina tawkte chu thla 6 chhung ngeiin anmahni bialtu District emaw, Mizoram State Legal Services Authority-ah thlen tur a ni tiin hemi hun chhunga an hman lo a nih chuan an tlai chhan chiang taka sawiin dilna a thlen leh theih niin an sawi a. He scheme hnuaia \anpuina dilte chu an pe nghal mai lo nia sawiin, Police, dan lam thiam leh Doctor te nen uluk taka an enfiah hnuah chauh \anpui tlak an nih chuan an \anpui \hin tih an sawi.

|anpuina dil zingah dawt sawi pawh an man chhuak fo tih sawiin, hmeichhe \henkhat, an bialpa/kawppuite nen inthuruala pawngsual anga dawtsawi pawh an awm niin an sawi bawk. The Mizoram Victims of Crime Compensation Scheme 2011 hnuaiah hian \anpuina dawn theih zat hi a case a zirin a inang lo hle a, Pawngsual tuarte ah nuai 2 thleng an pek theih laiin kum 12 hnuai lamah chuan nuai 3 thleng an pe thei nia thudawn a ni.