YMA hmalakna bawhzui rel

Serchhip Sub-Hqrs. YMA chuan nimin khan Executive Committee neiin Krismas leh kumthar vuakvet-ah halpuah leh halmawi bakah a mu kap-chhuak thei Silai te khapna chak taka bawhzui nise an ti.
Nimin a Serchhip Sub-Hqrs. YMA Meeting Room-a SEC Meeting hi an President, R. Sanghmingthanga chuan kaihruaiin he hunah hian kan hma lawka Krismas leh kumthar vuakvet lo thleng tur atana inpuahchahna tur hrang hrang an sawiho a. He SEC Meeting hian mipui ten he hunpui lo thleng tur hi hlim leh thlamuang taka an hman theih nan Branch tin ten mahni huam-chhung \heuh ah hmalak nise an ti a, he Hunpui-ah hian sawrkar in Halpuah, halmawi leh a mu kapchhuak thei silai te khap tura ruahmanna alo siam tawh angin District thuneitute hnenah khapna tichhuak ve tura ngenin hei hi a hlawhtlin theih nan theihtawp chhuaha hmalak nise an ti a. Serchhip-a damdawi In, Home hrang hrang leh District Jail-ah te Sub-Hqrs. YMA hmingin Krismas Thilpek hlan leh nise an ti bawk.
Hei bakah hian SEC Meeting hian thla thar mai-a Serchhip-a khawvel pum huap Para-Glidings intihsiakna awm tur pualin faina kawngah hmalak nise an ti bawk a, hemi pual hian Branch tin ten hma an lak bakah Sub-Hqrs. huapin hnatlang neih nise tiin Sub-Hqrs. YMA hmalakna tur dangte pawh sawiho a ni bawk.

Popular posts from this blog

PAN CARD an tih teh fo hi - Laldinpuia