MPCC in Election Manifesto an tlangzarh Mamawh tan NLUP kan sem zel dawn - Lal Thanhawla

MPCC chuan kumin '2018 MLA Election Manifesto' leh 'Mizoram Hmasawnna Lamtluang' lehkhabu chu nimin khan Aizawl-a Vanapa Hall-ah an tlangzarh a, he hunah hian MPCC President, Lal Thanhawla chuan mamawh an awm chhung chuan NLUP an sem zel dawn tih sawiin, NLUP-ah sum kawngbo a awm an hriatloh thu a sawi bawk.

Nimin a Aizawl Vanapa Hall-a MPCC in 'Election Manifesto' leh 'Mizoram Hmasawnna Lamtluang' an tlangzarhna hunah hian MPCC President, Lal Thanhawla chuan NLUP leh NEDP avangin India ramah GSDP \ha ber State zingah kum li (4) kan awm ta tih sawiin, “Tunah hian kan State Economy thanna chu 8% chunglamah kan awm mek a, Finance Ministry mithiam te chuan Double Digit in ni thuai dawn a ni tih min hrilh a ni,” a ti a. Hydel Project leh Medical College te pawh kan neih tak thu sawiin, “Medical College a Seat chan harsat zia kan hre vek anga, tunah hian Ram leilung faten Seat 70 kan luah bakah Central Pool Quota 30 luahkhah vek a ni tawh a ni,” a ti. MPCC President chuan a mamawh an awm chhung chuan NLUP chu an sem zel dawn tih sawiin, “Chunglam Programme a nih tlat avangin mi thik tham a ni a, Party panga intelkhawm ten Central Sawrkar-ah hek mahse thuneituten \ha an ti si a, a hmuna awm ve pakhat chuan Prime Minister Pu Modi a pawhin State dangte pawhin entawn se a that hi a ti hial a ni,” a ti. Zu chu an duh reng vanga zuar ani lo tih sawiin Lal Thanhawla chuan Assembly House-ah pawh Bill an pass dawna an lo sawi angin, a in lo theilo te tan khuahkhirh deuhin inthlahrung takin an zuar tih a sawi a, alo \halo hle zawk a ni tih an hriat hunah chuan hnukdawk leh tu nih hi an inthlahrung miahlo tih a sawi a. Zu khuahkhirhna chungchang ah dan leh thupek kenkawhna ah khawng lehzuala kalpui tum anih thu sawiin, tunah hian Excise Force pawh tihchak tuma hmalak niin Excise Force mi 60 lak an nih thu leh heng mite nen hian Police te nen thawk hoin Zu khuahkhirh kawngah khuah zawk leh changtlung zawka kalpui turin ruahmann an siam tih Lal Thanhawla chuan a sawi bawk.

MPCC Campaign Committee Vice Chair-man, Lalrinmawia Ralte kaihhruai he hunah hian MPCC Campaign Committee Chairman, Zodin-tluanga chuan inthlanpui neih turah bial tinah an tling vek dawn tih sawiin, opposition te MLA neihchhun pawh an chhuhsak vek dawn tih a sawi bawk. MPCC Manifesto tlangzarh zingah hian HSLC leh a chunglam Pass te tan a thlawna Laptop sem te, College leh University zirlaite tan Study Tour/Excursion kumtin Budged a dah leh Mizoram pum Cover turin Ambulance Network siam te leh Tourism leh Health Care Scheme chang-tlung tak buatsaih te a tel a ni.