Inrinni ah sawrkar thar

Zoramthanga kaihhruai MNF sawrkar thar lakluh ni tur atan tun thla ni 15 (Inrinni) ruahman a ni.
MNF Legislature Party Secretary, Lalruat-kima chuan sawrkar thar lalut tur hian ruahmanna kalpui mek a nih thu sawiin, Sawrkar thara Assembly rorel inkhawm hmasa ber chu karleh Thawh-lehni khian \an tura ruahman a ni a, hetah hian Member thlan tharte lakluh an ni ang a, a tuk Nilaini ah Governor in House-ah thuchah sawiin, a tuk lehah Governor thusawi chungchanga lawmthu sawina Motion sawiho tum a ni.
Hetihlai hian Mizoram Assembly inthlanna result Election Commission-in a pawmpuina lehkha chu Election Commission-a Secretary, SB. Joshi-a’n nimin chawhnu khan Larsap, Kummanam Rajasekharan hnenah a hlan a, he lehkha Larsapin a neih hnu hian Mizoram Assembly member 40 awmnaa member 26 nei MNF Legislature Party Leader, Zoramthanga chu sawrkar siam tura sawm a ni ang.

Assembly dinglai \hiah a ni

Mizoram Legislative Assembly pasarihna chu nimin khan Mizoram Larsap, Kumanam Rajashekharan chuan a \hiat. Assembly dinglai \hiahna thupek hi ram danpui Article 174 (2)(B) tlawhchhanin nimin khan a chhuah a. Assembly inthlanpui-ah Sawrkar lai Congress party in hnehna an chan zawh tak loh avangin Assembly term dinglai hi \hiah a ni a, MNF Party kaih-hruai Assembly pariatna din a ni dawn ta a ni.

Popular posts from this blog

PAN CARD an tih teh fo hi - Laldinpuia