Vote tla te chhiar tura inbuatsaihna thlirin State Election Team in Serchhip an rawn tlawh

/
Assembly inthlanpui neiha Vote thlak zawh a nih hnuah Vote chhiar hna \ha taka zawhfel a nih theih nana inbuatsaihna thlirin nimin khan State Election Team chuan Serchhip an rawn tlawh a. Serchhip DC Office-a Strong Room leh Counting Hall tura ruahman te chu an fangkual bawk.

Nimin a Serchhip tlawha rawn kal State Election Team te hi Krishna Mohan Uppu, IAS, Addl CEO-II chuan rawn hovin Helicopter hmangin an rawn kal a, Serchhip District Election Officer, Sangchhin Chinzah leh a thawhpui ten lo dawngsawngin Assembly inthlanpui neih zawh taka hman Vote thlakna khawl, EVM leh VVPAT te venhimna hna thawh dan te a enfiah bakah tun thla ni 11-a heng Vote tla te chhiar dan tura ruahmanna awm te a enfiah bawk a. Mizoram Assembly inthlanpuia Serchhip District chhung Assembly bial pathum (3)-a Vote tla te hi tun thla ni 11 khian ramchhung hmundanga rualin a ruala chhiar a ni dawn a, bial pathum tan hian Counting Hall hran \heuh, Counting Hall pathum (3) ruahman niin 26-Serchhip (ST) AC chhunga Vote tla te chu Counting Hall-I, Serchhip DC Office General Room-a hman mek ah siamin hetah hian chhiar a ni anga, 27-Tuikum (ST) AC a Vote tla te chu Counting Hall-II, Serchhip DC Office-a Conference Hall siam tharah chhiarin 28-Hrangturzo (ST) AC-a vote tla te chu Counting Hall-III, Serchhip DC’s Conference Hall ah chhiar a ni dawn a, heng Counting Hall pathum ah te hian a ruala Vote tla te hi chhiar a nih dawn avangin Bial pathum result te pawh hi awlsam tak leh rang taka hriat theih a nih beisei a ni.
Serchhip District chhung Assembly bial pathum-a Vote tla te chhiar dan tura ruahmanna an neih te District Election Officer leh a thawhpui te chuan Addl. CEO-II leh a thawhpui te hi hrilhin felfai zawka thawktute lo inruahman dan turte pawh an sawiho nghal a, Vote chhiar tura ruat te tan tunkar chho hian training buatsaih tum a nih thu te pawh he hunah hian tarlan a ni bawk.
Nimin a Serchhip tlawha rawn kal State Election Official te hi Krishna Mohan Uppu, IAS,  Addl. CEO-II chuan rawn hovin  Mamu Hage,IAS, Assistant CEO; H.Lianzela, Deputy CEO-I leh Malsawmzuala, Assistant CEO te an rawn kal bawk a, nimin a Serchhip District inbuatsaihna an thlirho hnu hian Aizawl lam an pan leh nghal a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »