NPP tan Minister campaign

Meghalaya Home Minister, James Sangma chuan Assembly inthlanpui neih tur atan nimin khan Serchhip bial-ah NPP tan a rawn campaign a, Serchhip leh Thenzawl-a an Party mipuite hma ah thu a sawi.

NPP hruaitu leh Meghalaya Home Minister, James Sangma hian nizan hmasaa Serchhip a riah hnuah nimin chawhma lam khan Serchhip Bazar-a an Party Office-ah thu sawiin, Assembly inthlanpui neih tura Serchhip bial-a NPP tana campaign te zawng zawng chungah lawmthu a sawi a. NPP chu khawi lai State emaw tan bika ding a nih loh thu sawiin, hmarchhak bial-a tlangmi, Tribal te tana ding a nih thu a sawi a. Kan rama politics chi tuhtu tam ber te chuan in\hendarhna leh lungrual lohna chi an tuh thu sawiin, NPP te erawh chuan inunauna te, inlainatna te leh inlungrualna chi te an tuh thu a sawi a. NPP chu Regional Party ni lovin National Party a nih thu a sawi bawk.

James Sangma chuan Assembly inthlanpui neih tur atan campaign theih hun ni 5 vel chiah a awm tawh thu sawiin, hemi chhung hian \hahnem ngai taka campaign turin he huna tel te chu a chah a, Serchhip bial-ah NPP in Candidate \ha tak an neih thu leh thlantlin a nih chuan hmun leh hmuna mipui ten an dawr theih tur, an harsatna te pawh hmaichhana an thlen theihna tur a nih thu sawiin, Mizoram chu ram leilung \ha tak leh kut hnathawktute tih hmasawnna tur tam tak awmna a nih thu a sawi bawk.

He hun ah hian Serchhip bial-a NPP Candidate, Kapliana Pachuau pawhin Assembly inthlanpui neih turah NPP chuan Assembly bial 9-ah Candidate an dah thu sawiin, Serchhip bial-ah thlantlin a nih chuan MLA te dinhmun hnuh-hniam a tum thu a sawi a. Amah chiah chu Ser-chhip bial-a Candidate zingah Serchhip mi leh sa an awm nia a hriat thu pawh sawiin, mipuite banphak MLA nih a tum thu a sawi. James Sangma hian nimin vek khan Thenzawl tlawhin an Party Office-ah thu a sawi bawk a ni.