MNF in BJP a thawhpui loh thu puang nawn

MNF Party chuan nimin khan thuchhuah siamin MNF in BJP a thawhpui loh thu an tarlang a. MNF boruak \ha kal lai tihsukuk tuma thudik ziktluak lo thu vaivir chu \ha an tih loh thu an tarlang bawk.

Nimin a  MNF General Hqrs. thuchhuah chuan nimin Oct. 25, 2018 khan Chanchinbu hrang hranga thuchhuah ah MNF leh BJP-in inremna thuruk nei anga tihchhuah a nih thu leh an thulakna chu Tripura BJP hruaitute thusawi a\ang niin an thuchhuah ah hian tarlan a nih thu an tarlang a. Hei hi MNF leh BJP sawipawlh lui \alha MNF hmai tihbalh tumna mai a nih thu tarlangin, “BJP President Amit Shah leh Mizoram inthlan viltu tura BJP-in an ruat, Hemanta Bishwa Sharma-te pawhin MNF an thawhpui loh thu chiang fek fawkin an rawn sawi tawh a. MNF President Pu Zoramthanga pawhin BJP thawhpui a nih loh tur thu a lo sawi chiang tawh bawk. MNF hotu dangte leh High Command pawhin BJP nena thawhho vawikhat mah an la rel lova, inthlan zawha thawhho thu pawh vawikhat mah an rel lo,” an ti.