ZPM in Aizawl Police Station-ah FIR an thehlut

ZPM chuan thuchhuah siamin BJP leh ZPM thawkho anga mipuiin an ngaih theihna tur, thuziak eng engemaw te nen a tarlanna, MNF Party Campaigner leh workers ten an thehdarh chungchangah nimin khan Aizawl Police Station-ah FIR an thehlut tih an sawi.
Hemi chungchanga nimin a thuchhuah an siamah ZPM chuan ZPM Chief Ministerial Candidate, Lalduhoma thlalak leh BJP Symbol leh Serthlum rawng nena MNF Party-in Booklet an siam, BJP leh ZPM thawkho anga mipuiin an ngaih theihna tur thuziak eng engemaw te nen a tarlanna, MNF Party Campaigner leh workers ten an thehdarh chungchangah hian FIR an thehluh thu tarlangin, he lehkha thehdarhtute hian Nov. 19, 2018 a\ang khan Serchhip leh Aizawl West-I ah an sem darh nasa hle tih an tarlang a, he lehkha buatsaihtu hi ‘Media, Publicity & I.T Monitoring Cell, MNF Geneneral Headquarters, Aizawl, Mizoram’ Publish nia tarlan a ni tih pawh tarlangin, Kristian ramah dawt thu bawlhhlawh leh politic rimchhe tak hmanga Kristian-te inkara inbeihna lo awm ta mai chu pawi an tih thu leh ringtute tih awm-ah a ngaih loh thu an tarlang a. “Hetiang thil titute hian ram siam\hatna atan a ngaihna an hriat tawh loh avang leh mipuiin hnawl mek nia an inhriat avangin an mangang takzet a. Kalphung Thar leh Mipui Sawrkar siam tumtu ZPM Chief Ministerial Candidate leh Bial tina ZPM Candidate te hi dawt leh thudik lo hmanga bei tawh lo turin a ngen tak meuh a ni,” an ti bawk.

Popular posts from this blog

PAN CARD an tih teh fo hi - Laldinpuia