PRO leh APRO te training

Thla thar November 28-a Assembly inthlanpui neih tura Serchhip District chhunga inthlanna buaipuitu tur, Presiding Officer leh Asst. Presiding Officer turte chuan nimin khan Training an nei \an.

Assembly inthlanpui neih turah hian Polling Station hrang hranga inthlanna buaipui turin Presiding Officer pakhat, Asst. Presiding Officer leh Polling Officer pahnih (2) zel kal tura ruahman niin heng mite tan hian \um thum \heuh Training buatsaih a ni dawn a. Nimin khan a hmasa ber atan President Officer leh Asst. Presiding Officer te tana Training chu Govt. Higher Secondary School Serchhip-ah neih a ni a, Presiding Officer atan hian mi 98 leh Asst. Presiding Officer atan mi 98, an vaiin mi 196 ruatchhuah an ni.

Nimin a training hi hmun 5-ah neih niin District Level Master Trainer, Ngurthansanga SDC, Vanlalhmachhuana BDO Serchhip, H. Lalhruaitluanga SDC, Dorothy Muansangi BDO East Lungdar leh C. Lalduhzuali, Settlement Officer Serchhip ten zirtirna an pe a. Heng mite hian inthlanna nei tura Presiding Officer leh Asst. Presiding Officer te hriattur pawimawh hrang hrang- inthlanna bungrua an ken tur a kim leh kimloh enfiah dan te, Polling Station-a Vote thlakna hmun siam dan tur te, EVM leh VVPAT hman dan tur te leh inthlanna kaihhnawiha an hriat tur pawimawh hrang hrangte an zirtir a ni. Inthlanna buaipuitu turte tana Training hi Vawiin ah chhunzawm leh Polling Officer te tan neih a ni ve thung ang.