Bru Relief Camp-a awm ten an Camp-ah \heuh Vote thlak an duh thu CEO hnenah an thlen

Tripura Bru Relief Camp-a Bru hnam hruaitute chuan vote thlak tura Mizoram-a kal lova Relief Camp a vote thlak an duh thu Mizoram CEO, Ashish Kundra an lo hrilh.

Mizoram Chief Electoral Officer Ashish Kundra hian niminpiah khan Tripura-a Bru Relief Camp zinga lian ber Naisingpara tlawhin Bru hruaitute a kawm a. Mizoram Assembly inthlanpui lo awm tura Bru Tripura Camp hrang hranga mi ten vote an thlak theihna tura ECI hmalakna te sawiin, an vote thlakna tura ruat Kanhmun khuaa Temporary Polling Station te pawh a tlawh thu te a hrilh a. Kanhmun khawtlang hruaitute pawhin Bru Tripura Camp-a miten vote an thak ngei an duhsak a, an tan buaina siam emaw hlauhthawn tur a awm loh thu leh vote thlak tura lo kalte lawm nan Mizoram chinah Welcome Gate siamsak an tum thu te a sawi bawk.

Hetihlai hian Naisingpara Camp-a Bru hruaitute chuan an awmna Camp \heuha vote thlak an duh thu leh an Camp pawna vote thlak chu an tan a harsat avangin vote an thlak theih an inrin loh thu an lo sawi thung.

Mizoram CEO chuan Vote thlaka an kalna tur lirtheite pawh Tripura sawrkar kaltlanga ruahman a nih thu te leh vote thlak tura kalte tan buaina awm lo leh ralmuang taka vote an thlak ngei a beisei thu a sawi a. Vote thlak hun hi zing dar 7:00 a\anga tlai dar 3;00 thleng ni tura ruahman a nih thu leh hmun dang aia vote thlak hun chhung darkar 1-a tihtawi hi ECI in phalna la pe chiah lo mah se a rawn pek vat a beisei thu a sawi bawk.

Naisingpara Camp-a Bru hruaitute chuan tunhnaiah Lunglei khaw mipuite’n an mi leh sa Bru Tripura camp-a awm E. Roll a hming chuang duhloh vangin E. Roll an hal thu sawiin, Hachhek bial-ah pawh an mi leh sa MLA a din pawh an phal loh thu leh khatih laia ECI-in an thlavang hauhna’na thu leh hla a neih loh avanga an vui thu te leh hetiang boruak karah chuan Mizoram chhung Kanhmun khuaa vote thlak chu an tan a him tawk loh thu leh an kal ngam loh thu te, Bru camp hrang hrang a\anga Kanhmun khuaa kal chu kalkawng a \hat loh avang leh a hlat tham avangin vote thlak chu an tan a harsat tur thu an sawi lo ve bawk.

Mizoram CEO Ashish Kundra-a chuan ECI thupek a nih anga Kanhmun-a vote thlak tur a tih an nih thu te, tun ang hun tepter lutuk tawh ah chuan an awmna Camp \heuha vote thlak tura tih leh chu thil theih loh hulhual a nih thu leh Mizoram mipuiin Bru Tripura Camp-a mi te chu Electoral Roll an neihna hmun Constituency \heuha vote thlak tura an duh laiin anni Bru-ten Camp a vote thlak an duh ve bawk si avangin ECI duh dan angin lai leh lai, Kanhmun khuaa vote thlak tur a nih thu leh ruahmanna pawh kalpui mek a nih thu a sawi bawk.