END Commissioner rawn kal

Mizoram sawrkar Excise & Narcotics Department-a Commissioner leh Secretary, KT. Beicho chuan nimin khan Serchhip-a Assistant Commissioner of Excise & Narcotics Office chu tlawhin an dinhmun a enfiah.
KT. Beicho hi Serchhip P&E Veng-a Excise & Narcotics Department Office-a lo lawmna neiin he hun hi R. Laldinsanga, Asst. Commissioner, END chuan kaihruaiin Ngurchhuana, OC chuan Commissioner lawmna thu leh Serchhip District-a an hna-thawh dan report pe in lawmthu sawina thilpek an hlan a ni.
He hunah hian KT. Beicho chuan ramdang ah hun engemaw chen hna a thawh hnua Mizoram a rawn chhuak leh Excise & Narcotics Department leh PHE enkawl tura hna chan-pual a nei chu lawmawm a tih thu sawiin, Election hnai tawh takah ECI a fimkhur em em a, thil ho te ni a lang ah pawh rin loh takin thil pawi tak leh thui tak kal ngai a thleng thei a ni tih hria in, Excise & Narcotic Department a thawktu te chu an hna hawh ah uluk leh dan ang thlap a thawk turin a chah a, chutiang anih avang chuan District hrang hranga a Department chan te pawh tlawh kual a tum thu a sawi bawk.
Hemi hnu hian Excise & Narcotics Department-a Commissioner hian Serchhip-a an Office building leh hmunhma te tlawhin Department-a thawk te chuan lirthei hmantlak an nei mumallo chu an harsatna tawh lian tak a nih thu an sawi a. An Office building chu an tawt hle tih sawiin, sawnchhuah \ul nia an hriat thu pawh an sawi bawk.
Serchhip-a Excise & Narcotics Department hi Asst. Commissioner kaihhruaina hnuaia awm niin tunah hian Inspector 2, Sub-Inspector 3, Asst. Sub-Inspector 2, Wireless Operator 2, Head Constable 2, Constable 20, Driver 1 lel Clerical Staff 3 an awm mek a, END Commissioner hian nimin vek khan Champhai District a pan leh nghal a ni.

Popular posts from this blog

PAN CARD an tih teh fo hi - Laldinpuia