Aizawl-ah Halpuah leh Silai lem khapna sawihona nei

Nimin khan Aizawl District-a Police hotute leh Central YMA hruaitute, MKHC hruaitute leh MIMA hruaitute chuan Joint Meeting neiin kumin Krismas leh Kumthar lo thleng tur vuak-veta Halpuah leh a kaihhnawih hrang hrangte leh Silai lem, a mu kapchhuak thei chi te mitin ten an zawrh lohna tur leh an hal emaw, an hman lohna tura hmalak dan tur sawiho a ni a. Kumin ah hian Aizawl District leh hmundangah pawh Halpuah leh a kaihhnawihte tumah zuarlo tur leh hmang lo turin mipuite an ngen bawk.

Aizawl District-ah chuan hemi chung-changah hian District Magistrate in khapna thuchhuah siam tawhin Police te leh Central YMA in he khapna bawhzui tura a lo ruat Sub-Committee leh Squad ten dan lova halpuah leh silai lem te an dapin action an la zel dawn a. Central YMA te hian veng tinah ngenna an siam tawh bakah Kohhran hruaituten Kohhran tinah ngenna siamin puan ani bawk anga. MIMA hruaituten sumdawng leh Dawrkai-te hnenah ngenna leh hriattirna an siam nawn leh bawk ang. He hunpui lai hian NGO leh Police ten Joint Duty leh Checking te a zing thei ang bera neih ani anga. Dan bawhchhiate chu IPC Sec. 188 anga hrem tura hma lak zel ani bawk ang.
Police lam a\angin Aizawl DEF te hian Media-ah te leh Vantlang hmun hrang hrangah te Awareness Campaign atan thuziak, Banner, Poster te tar turin an inbuatsaih mek bawk. He Meeting hian Aizawl District chhunga veng tina Local Council te leh VC te chu an area \heuh ah hma lo la, Public Announcement a tam thei ang ber lo nei turin an ngen bawk. Tun thla ni 11-a Mizoram Inthlanpui Vote chhiar turah pawh Political party zawng zawngte pawhin tlin lawm nan leh chakloh lantirna atan halpuah leh a kaihhnawih hmanglo hram turin Meeting chuan a ngen bawk.

Popular posts from this blog

PAN CARD an tih teh fo hi - Laldinpuia