School Games nei \an

Tunkar Zirtawpni thleng awh tur Mizoram Secondary School Games vawi 36-na chu nimin khan Champhai-ah neih \an a ni a, Champhai District Bawrhsap Dr. Naveen Aggarwal, IAS chuan School Games hi Flag pawt pharhin a hawng a ni.

Champhai Chhangphut Field-a Mizoram Secondary School Games hawnna hunah hian Champhai DC, Dr. Naveen Aggarwal chuan Champhai District-in Aizawl pawna School Games nghah anih vawikhatna a thleng thei chu lawmawm a tih thu leh District tana ni chhinchhiah tlak tak a nih thu a sawi a. Zirlai naupang kalkhawmte chu damdawi hman-sual leh ruihhlo dang leh a kaihhnawih laka inthiarfihlim hram hram turin a fuih a. Mizoram-ah a bik takin Champhai District chhungah dam-dawi hmansual a hluar thu leh a ngaihmawh thu sawiin, \halaite khawvel hrisel leh thianghlim tak siam tur chuan infiamna huanga hmalak hi a pawi-mawh thu leh, infiamna chuan humsual dai tur lakah \halaite a chhanhim theih thu a sawi bawk.

Mizoram Secondary School Games, 2018 thleng tur hian Champhai leh Thenzawl-te chu thlan an ni a. A thawhkhatna Hmeichhe Hockey leh Volleyball-te chu October ni 9-11, 2018 chhung khan Thenzawl-ah khelh a ni a, Hockey-ah Serchhip an Champion a, Volleyball-ah Cham-phai an Champion ve thung a ni.

Champhai-a thawh hnihna neih mekah hian Football, Judo, Boxing leh Athletics-te chu October ni 23 a\anga 26, 2018 chhunga neih tur a ni a. Mizoram School Games, 2018-ah hian Zirlai infiammi 363 telin, Aizawl District a\angin zirlai 44, Siaha District a\angin 44, Kolasib District a\angin 51, Serchhip District a\angin 39, Mamit District a\angin 49, Lawngtlai District a\angin 36, Lunglei District a\angin 47 leh a thlengtu Champhai District a\angin 53 tel tura beisei an ni.