MHRD-a Secretary (School Education and Literacy) hovin Mizoram zirna sawihona neih a ni

Ministry of Human Resource Development hnuaia Department of School Education and Literacy enkawltu Secretary, Pi Rina Ray chuan Mizoram rawn tlawhin nimin khan Aijal Club Conference Hall-ah Mizoram sawrkar-a Education Officer te a kawm.
He an inkawmna ah hian Rina Roy chuan zirna tihhmasawnna tura hmalakna hrang hrangte \huang thuma \henin ruhrel din leh hmanraw lakkhawm te, Central leh State Education Board changtlung taka siam leh zirlaiten an zirtur bituk an thiam ngei em tih endik ‘learning outcome’ chungchang a sawi a. Mizoram chauh nilo India ram pumin zirna kawnga hmasawn a mamawhna lai ber chu zirlaibu vawng (text book memorize) ringawt lova naupangin ngaihtuahna fing tak an hman thiam theihna tura zirlaite zirtir leh chutiang ang hawi zawnga exam zawhna siam thiam a \ul nia a hriat thu a sawi a. School tina Principal te leh anmahni enkawltu department inkara inbiakpawhna rang leh changtlung zawk awm \ul a tih thu sawiin, sawrkar laipui a\anga hmalakna thar awmte leh State hmalakna te rang taka Principal zawng zawngin an lo hriat theihna tur te, heng hmalakna thar an bawhzui dan te leh an School dinhmun dik tak rang taka hre thei turin tunlai thiamna hman \angkai \ul a tih thu a sawi bawk.
He inkawmna hi School Education Department Secretary, Esther Lalruatkimi chuan kaihruaiin Mizorama zirna lo in\an dan leh hma kan sawn dan te a tarlang a, State naupang tak ni chungin Mizoram chuan zirna lamah hma a sawn hle a, India ram state te zingah ziak leh chhiar thiam tamna ber pahnihna a nih thu a sawi a. Hetihlai hian hmasawnna tur erawh kan la ngahzia sawiin, Maths, Science leh English-ah zirlaite an chaklo a, state dang zirlai te el phak tura \an lak kan la mamawhzia a sawi bawk. He hunah hian Mizorama zirna dinhmun tlangpui leh Centrally Sponsored Scheme (CSS) bawhzui a nih dan te Powerpoint hmangin Addl. Director of School Education, Laldingliana chuan a sawifiah a. Hmalakna hrang hrang a tarlan zingah a bik takin Sports leh Football-a Mizoram hmalakna fakawm a tih thu Rina Roy hian a sawi bawk.
Hemi hma nimin chawhma lam khan Rina Roy hian Aizawl-a Govt. Mizo High School leh PC. Girls’ School te a tlawh a, Rina Ray chuan kum 1988 hnuah a vawikhatna tan Mizoram chu a rawn tlawh leh thu sawiin, Quality Education-in a tum ber chu zirlaite hlim taka School an kal hi a ni, a ti a. Subject hrang hrang inzirtir piah lamah zirlaiten an theihna (skills) leh tuina an hmuhchhuah chu zirna \ha chu a ni tih sawiin, Mizoram chu ram nuam, boruak thianghlim tak awmna ram a nih avangin, zirlaite’n environmental issue an ngai pawimawh tur a ni, a ti bawk.
Govt. Mizo High School-ah hian NCC ten Guard of Honor pein, School Pipe Band ten rimawi tumin anlo hmuak a. He school-ah hian Smart Class tlawhin, zirlaite nen inkawmna hun a hmang a ni. PC Girls’ School-ah hian hmanlai a\anga an lo zirtir puantah, laphiar, puanthui leh buhthlei te an lo entir bawk a. Mid-Day Meal te pawh eiin, hun hlimawm tak an hmang a ni.

Popular posts from this blog

PAN CARD an tih teh fo hi - Laldinpuia